ރޯދަމަހު ކެފޭ އަދި ރެސްޓޯރެންޓުތައް ދަންވަރު ހުޅުވުމުގެ ހުއްދަ ދީފި

ރަމަޟާން މަހު ކެފޭ، ހޮޓާ އަދި ރެސްޓޯރެންޓުތައް ދަންވަރު ހުޅުވާ ހިދުމަތް ދިނުމުގެ ހުއްދަ އެކޮނޮމިކް މިނިސްޓްރީ އިން ދީފި އެވެ.

މިގޮތުން ރަމަޟާން މަހު މެންދަމު 3:00 ޖަހަންދެން ރެސްޓޯރެންޓް، ހޮޓާ އަދި ކެފޭ ފަދަ ތަންތަނުން ޙިދުމަތް ދިނުމުގެ ހުއްދަ އިކޮނޮމިކް މިނިސްޓްރީން ވަނީ ދީފި އެވެ.

ސަން އޮންލައިން ގައި އެކޮނޮމިކް މިނިސްޓަރ އަހުމަދު މުހައްމަދު އާ ހަވާލާދީ ރިޕޯޓް ކޮށްފައި ވާގޮތުން، ކެއިންބުއިމުގެ ހިދުމަތްދޭ ތަންތަން ރޯދަމަހުގެ ތެރޭގައި މެންދަމު 3:00 ޖަހަންދެން ހިދުމަތް ދިނުމުގެ ހުއްދަ ދީފައިވަނީ ހާރުކެއުން ފަދަ ކަންކަމުގައި ރައްޔިތުންނަން ފަސޭހަތް ގޮތެއް ހޯދައިދިނުމަށް ކަމަށެވެ.

މިނިސްޓަރ އިތުރަށް ވިދާޅުވެފައިވަނީ ހޮޓާ ފަދަ ތަންތަނުން ދަންވަރު ހިދުމަތް ދިނުމުގެ ހުއްދަ ދިން ނަމަވެސް ރޭގަނޑު 11:00 ގެ ފަހުން ފިހާރަތައް ހުޅުމުގެ ހުއްދަ ނުދޭކަމަށެވެ.