މަސްތުވާތަކެތި ކަމަށް ޝައްކުކުރެވޭ އެއްޗެހި ހުރި 10 ރަބަރު ޕެކެޓާއެކު ހަނިމާދޫ މީހަކު ހައްޔަރުކޮށްފި

މަސްތުވާތަކެތި ކަމަށް ޝައްކުކުރެވޭ އެއްޗެހި ހުރި 10 ރަބަރު ޕެކެޓާއެކު ހދ. ހަނިމާދޫ މީހަކު ހައްޔަރުކޮށްފި އެވެ.

މިމައްސަލާގައި ފުލުހުން ހައްޔަރުކޮށްފައިވަނީ 21 އަހަރުގެ ފިރިހެނެކެވެ. ޕޮލިސް މީޑިޔާއިން މައުލޫމާތު ދޭ ގޮތުގައި މީނާ ފުލުހުން ހައްޔަރުކޮށްފައިވަނީ ފުލުުހުންނަށް ލިބުނު މައުލޫމާތަކާ ގުޅިގެން ހަނިމާދޫ ޕޮލިސް ސްޓޭޝަނުން ހިންގި އޮޕަރޭޝަނެއްގައި މިދިޔަ ހުކުރު ދުވަހުގެ ރޭ 8 ޖަހާކަންހާއިރު ހަނިމާދޫ އެއާޕޯޓުގައި ހުންނަ ރެސްޓޯރެންޓެއް ކައިރިންނެވެ.

މަސްތުވާ ތަކެތި ކަމަށް ޝައްކުކުރެވޭ ރަބަރު ޕެކެޓުތައް ފެނިފައިވަނީ މީނާ ފުލުހުންގެ ބެލުމުގެ ދަށަށް ގެނެސް ބަލައިފާސްކުރި ކުރުމުގައި މީނާ ލައިގެންހުރި ޖިންސްގެ ޖީބު ތެރޭގައި އޮތް ރަބަރު ކޮތަޅެއްގެ ތެރެއިން ކަމަށް ފުލުހުން ބުންޏެވެ.

މި މައްސަލަ ހދ. ހަނިމާދޫ ޕޮލިސް ސްޓޭޝަނުން މިހާރު ގެންދަނީ ތަހުގީގު ކުރަމުންނެވެ.