ސައިން ލެންގުއޭޖު ދަސްކޮށްދޭ ތަމްރީނު ޕްރޮގްރާމެއް ކުޅުދުއްފުށީގައި މިއަދު ފަށައިފި އެވެ.
ހދ ފެމިލީ އެންޑް ޗިލްޑްރެންސް ސާވިސް ސެންޓަރުން އިންތިޒާމުކޮށްގެން ކުރިއަށްގެންދާ މި ޓްރެއިނިން ޕްރޮގްރާމަކީ ހާއްސަ އެހީއަށް ބޭނުންވާ ކުދިންނާ މުއާމަލާތު ކުރާގޮތް ދަސްކޮށްދިނުމަށް ކުރިއަށް ގެންދެވޭ ޕްރޮގްރާމެކެވެ. މި ޕްރޮގްރާމުގައި ސައިން ލެންގުއޭޖުގެ ހުރިހާ ކޮމްޕޮނެންޓެއް ކިޔަވައިދޭނެ ކަމަށް މިކަން އިންތިޒާމުކުރާ ފަރާތުން މައުލޫމާތު ދެއެވެ.
މިގޮތުން ޓްރެއިނިން ކުރިއަށްދާ މަދު ދުވަސްކޮޅުގެ ތެރޭގައި، އަތުގެ އިނގިލިތަކާއި މުޅި އަތް ބޭނުންކޮށްގެން ކުދިންނާ މުއާމަލާތު ކުރަން ދަސްވެގެންދާނެ ކަމަށް އެފަރާތުން ހާމަކުރައްވައެވެ.
މިއަދު ހެނދުނު ގައުމީ އިދާރާގައި ފެށުނު މި ޓްރެއިނިންގައި ބައިވެރިންނަށް މައުލޫމާތު ދެއްވަނީ ސައިން ލެންގުއޭޖު އިންސްޓްރަކްޓަރ ޝަހީޒު އަބްދުﷲ އެވެ.
މިއަދުން ފެށިގެން 5 ދުވަހުގެ ނިޔަލަށް ކުރިއަށްދާ މި ޓްރެއިނިންގައި ޒުވާނުންނާއި ބެލެނިވެރިންގެ އިތުރުން ޓީޗަރުން ހިމެނޭ ގޮތަށް 25 ބައިވެރިން ދަނީ ތަމްރީނު ހޯދަމުންނެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
