މާދަމާއަކީ މިއަހަރުގެ ރަމަޟާން މަހުގެ ފުރަތަމަ ދުވަސް ކަމަށް ނިންމައިފި

މާދަމާއަކީ މިއަހަރުގެ ރަމަޟާންމަހުގެ ފުރަތަމަ ދުވަސް ކަމުގައި ކަނޑައަޅައިފި އެވެ.

މާދަމާއަކީ މިއަހަރުގެ ރޯދަމަހުގެ ފުރަތަމަ ދުވަސްކަމުގައި ސަރުކާރުން ކަނޑައެޅީ މިރޭ ހަނދު ސާބިތުކުރުމަށް އިސްލާމިކް މިނިސްޓްރީން ބޭއްވި ބައްދަލުވުމުގައި އެވެ.

އިސްލާމިކް މިނިސްޓްރީން މިރޭ ނެރެފައިވާ ބަޔާނުގައި ބުނެފައިވަނީ 1434 ވަނަ އަހަރުގެ ރަމަޟާންމަހުގެ ހަނދާބެހޭގޮތުން ގޮތެއް ނިންމެވުމަށް ބޭއްވި ކޮމިޓީގެ ބައްދަލުވުމުން ނިންމަވާފައިވަނީ މި އަހަރުގެ ރަމަޟާންމަހުގެ ހަނދު، އައްޑޫ ސިޓީގެ ހިތަދޫ ބަޔަކަށް ފެނުނުކަމުގެ މައުލޫމާތު އެސިޓީގެ މެޖިސްޓްރޭޓް ކޯޓުން ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް އަންގަވާފައިވާތީ، އަދި ހަނދު ފެނުނު މީހުން އެގޮތަށް ހެކިބަސް ދީފައިވާތީ މާދަމާ އަކީ މިއަހަރުގެ ރަމަޟާން މަހުގެ ފުރަތަމަ ދުވަސް ކަމަށް ކަނޑައެޅީ ކަމަށެވެ.