ކުޅުދުއްފުށީ ރީޖަނަލް ހޮސްޕިޓަލުގައި ކިޑްނީ ބަލިތަކަށް ފަރުވާދޭ ޑައިލިސިސް ސެންޓަރުގެ ޚިދުމަތް ވަރަށް އަވަހަށް ފަށާނެ ކަމަށް އެ ހޮސްޕިޓަލުން ހާމަކޮށްފި އެވެ.
މިނޫހަށް މައުލޫމާތު ދެއްވަމުން ހޮސްޕިޓަލުގެ އެކްޓިން ޑެޕިއުޓީ މެނޭޖަރ މުހައްމަދު ހަސަން ވިދާޅުވީ ޚިދުމަތް ނުދެވި ލަސްވެފައިވާތީ ކަންބޮޑުވެ ވަޑައިގަންނަވާ ކަމަށާއި އެހެންނަމަވެސް މިހާރު ޚިދުމަތް ދިނުމަށް ބޭނުންވާ ކަންކަން ނިންމާ އަވަސް މުސްތަގުބަލެއްގައި ޚިދުމަތް ދެވޭނެ ކަމަށެވެ.
ހިދުމަތް ދިނުން ލަސްވެފައިވަނީ ސެންޓަރަށް ބޭނުންވާ ބައެއް ތަކެތި ލިބުމުގައި ދިމާވި ބައެއް ދަތިތަކުގެ ސަބަބުން ކަމަށް އޭނާ ވިދާޅުވި އެވެ. އަދި މިހާތަނަށް އެ ސެންޓަރުން ޑައިލިސިސް ހަދަން ބޭނުންވެގެން އެއްވެސް ޕޭޝަންޓަކު އައިސްފައިނުވާ ކަމަށް އޭނާ ވިދާޅުވި އެވެ.
މި ސެންޓަރުގައި ޑައިލިސިސް 2 މެޝިނާއި މަސައްކަތް ކުރާނެ މުވައްޒަފުން އައިޖީއެމްއެޗުން ތަމްރީނުވެގެން އައިސްފައިވާ ކަމަށް މުހައްމަދު ހަސަން ވިދާޅުވި އެވެ.
ކުޅުދުއްފުށީ ރީޖަނަލް ހޮސްޕިޓަލުގައި ޤާއިމު ކުރެވިފައިވާ ކިޑްނީ ބަލިތަކަށް ފަރުވާދޭ ޑައިލިސިސް ސެންޓަރު ރަސްމީކޮށް ހުޅުވާފައިވަނީ މިއަހަރުގެ މެއި މަހުގެ 4 ވަނަ ދުވަހު ރައީސް ވަހީދު ކުޅުދުއްފުއްޓަށް ކުރެއްވި ދަތުރުފުޅުގަ އެވެ.
އަފްގާނިސްތާން އަތުން ބަލި، ނަމަވެސް ޒުވާން ކުޅުންތެރިންގެ ކުޅުމުން އުޖާލާ ކުރިމަގެއް
ކުޅުދުއްފުށީގެ ފަހުރު އަހްނާ، 200 މީޓަރު ދުވުމުގެ ގައުމީ ރެކޯޑް އާކޮށްފި
ކުޅިވަރު ކުޅޭ ތަންތަނުގައި ނަމާދު ކުރެވޭނެ ގޮތް ހަދަނީ
16 އަހަރުން ދަށުގެ ކުދިންނަށް ސޯޝަލް މީޑިއާ ބޭނުންކުރުން މަނާކުރާނަން: ރައީސް
