ނޮޅިވަރަމް ކައުންސިލުގެ ބައި އިލެކްޝަނުގައި ވާދަކުރާ ކެނޑިޑޭޓުންގެ ނަންތައް ތަރުތީބު ކޮށްފި

ނޮޅިވަރަމް ކައުންސިލުގެ ބައި އިލެކްޝަނުގައި ވާދަކުރާ ކެނޑިޑޭޓުންގެ ނަންތައް ތަރުތީބު ކޮށްފި އެވެ.

އިލެކްޝަންސް ކޮމިޝަނުން އިއްޔެ ހާމަކޮށްފައިވާ ގޮތުގައި ހދ. ނޮޅިވަރަމް ކައުންސިލުގެ ބައި އިލެކްޝަނަށް ކުރިމަތިލި ފަރާތްތަކުގެ ނަންތައް ތަރުތީބު ކުރެވިފައިވަނީ، ކެނޑިޑޭޓް ނަމްބަރު 1 ޕީޕީއެމްގެ ފަރާތުން ބައި އިލެކްޝަނުގައި ވާދަކުރާ ނޮޅިވަރަމް ފިނިވާގޭ މަރިޔަމް ހަބީބް،  ކެނޑިޑޭޓް 2 ޖުމްހޫރީ ޕާޓީގެ ކެނޑިޑޭޓް ނޮޅިވަރަމް ސަބުދެލިގޭ އިބްރާހިމް ނަސީރަށެވެ.

ނޮޅިވަރަމް ކައުންސިލުން ހުސްވެފައިވާ ގޮނޑިއަށް މެންބަރަކު އިންތިޚާބުކުރުމަށް ބާއްވާ ބައި އިލެކްޝަން އޮންނާނީ އަންނަ އޮގަސްޓު މަހުގެ 24 ވަނަ ދުވަހު އެވެ.

މި ބައި އިލެކްޝަނަކީ ނޮޅިވަރަމް ކައުންސިލުގެ ނައިބު ރައީސްގެ މަގާމުގައި ހުންނެވި އަލީ ނާޒިމް ހުސްވި ޖޫން މަހުގެ 20 ވަނަ ދުވަހު ކައުންސިލުން އިސްތިއުފާ ދެއްވުމާއި ގުޅިގެން ކައުންސިލަށް މެމްބަރަކު އިންތިހާބު ކުރުމަށް ބާއްވާ އިލެކްޝަނެކެވެ.