ހައަހަރުގެ ކުޑަ އަންހެން ކުއްޖަކާ ބަދުއަހުލާގީ އަމަލު ހިންގި މައްސަލައެއްގައި މާރަންދޫ މީހަކު ހައްޔަރުކޮށްފި

ހަ އަހަރުގެ ކުޑަ އަންހެންކުއްޖަކާ ބަދުއަހުލާގީ އަމަލު ހިންގި މައްސަލައެއްގައި މާރަންދޫ މީހަކު ހައްޔަރުކޮށްފި އެވެ.

މީނާ ފުލުހުންގެ ބެލުމުގެ ދަށަށް ގެނެސްފައިވަނީ ޖުލައި މަހުގެ 25 ވަނަ ދުވަހު ކުޑަކުއްޖަކާ ބަދުއަހުލާގީ އަމަލު ހިންގި ކަމަށް ބުނެ ހުށަހެޅުނު މައްސަލައެއްގައި މިމަހުގެ 26 ވަނަ ދުވަހު އޭނާ ދިރުއުޅޭ ގޭތެރޭގައި ހުއްޓާ ކަމަށް ފުލުހުން މައުލޫމާތު ދެއެވެ.

މިމައްސަލައިގައި ހައްޔަރު ކޮށްފައިވަނީ އުމުރުން 24 އަހަރުގެ ފިރިހެނެކެވެ.

މިމައްސަލައިގައި ފުލުހުންގެ ބެލުމުގެ ދަށަށް ގެންދިޔަ މީހާއަކީ 2008 ވަނަ އަހަރުވެސް ލ.މާބައިދޫގައި އުމުރުން ފަސް އަހަރުގެ ކުޑައަންހެން ކުއްޖަކާ ބަދުއަހުލާގީ އަމަލު ހިންގިކަމުގެ ތުހުމަތުގައި ފުލުހުން ހައްޔަރުކުރި މީހެއް ކަމަށް ފުލުހުން ހާމަކުރެއެވެ.