ކުޑަކުއްޖަކާއެކު ބަދުއަހުލާގީ އަމަލު ހިންގިކަމުގެ ތުހުމަތުގައި ކުޅުދުއްފުށީ ޒުވާނަކު ހައްޔަރު ކޮށްފި

ކުޑަކުއްޖަކާއެކު ބަދުއަހުލާގީ އަމަލު ހިންގި ކަމުގެ ތުހުމަތުގައި ކުޅުދުއްފުށީ މީހަކު ހައްޔަރު ކޮށްފި އެވެ.

ފުލުހުން ބުނީ ކުޑަކުއްޖަކާއެކު ބަދުއަހުލާގީ އަމަލު ހިންގިކަމުގެ ތުހުމަތުގައި ކުޅުދުއްފުށިން މިމަހުގެ 17 ވަނަ ދުވަހު އުމުރުން 18 އަހަރުގެ ޒުވާނަކު ހައްޔަރު ކޮށްފައިވާކަމަށެވެ. އަދި މީނާއަށް ވަނީ ކުޅުދުއްފުށީ ކޯޓުން ބަންދަށް 15 ދުވަސް ޖަހާދީފައެވެ. އެހެންނަމަވެސް ހައްޔަރު ކުރި މީހާގެ އިތުރު އެއްވެސް ތަފްސީލެއް ފުލުހުން އާއްމު ކޮށްފައެއް ނުވެއެވެ. މިނޫހަށް އެނގިފައިވާ ގޮތުގައި މިމައްސަލައިގައި ހައްޔަރު ކޮށްފައިވަނީ ހދކުޅުދުއްފުށީ ނައިޓް ކުލަޑްސް، އަޝްރަފް އަބުދުﷲ(18) އެވެ.

މައުލޫމާތު ލިބިފައިވާ ގޮތުގައި މިމަހުގެ 17 ވަނަ ދުވަހު ގެސްޓްހައުސް އެއްގައި ބަދުއަހުލާގީ އަމަލު ހިންގަމުންދާ ކަމުގެ ރިޕޯޓު ފުލުހުންނަށް ލިބިގެން ފުލުހުން އެތަނަށް ދިޔަ އިރު އެތަނުން އެމީހުން ވަނީ ގޮސްފަ އެވެ. އެދުވަހު ފުލުހުން އެ ގެސްޓްހައުސްގެ ތެރޭގައި ހަރަކާތްތެރިވިތަން ތަން ވަނީ މިނޫހުގެ ރިޕޯޓަރަކަށް ވެސް ފެނިފަ އެވެ.

މިނޫހަށް އިތުބާރު ހުރި ގޮތަކަށް އެނގިފައިވާ ގޮތުގައި 17 ވަނަ ދުވަހު ހެނދުނު 8 ޖެހިއިރު އަޝްރަފް ވަނީ ކޮޓަރި ހިފުމަށްޓަކައި ގެސްޓްހައުސް އަށް ގޮސްފަ އެވެ. އަދި އޭގެ ބައިގަޑި އިރެއް ހާއިރު ފަހުން (18 އަހަރު ނުވާ) އަންހެން ކުއްޖާ އެ ގެސްޓްހައުސްއަށް ދިޔައެވެ. އެކުއްޖާ ގެސްޓް ހައުސްއަށް ދިޔައިރު ކޮނޑުގައި ދަބަހެއް އޮތް ކަމަށްވެއެވެ. އޭގެ ފަހުން މެންދުރު 12 ޖެހިއިރު ކޮޓަރިން ނިކުމެންގެން ދިޔައިރު އަންހެން ކުއްޖާ ހުރީ އަފީފުއްދީން ސްކޫލު ޔުނީފޯމެއް ލައިގެންނެވެ.

އެ ދެމީހުން ކޮޓަރިން ނިކުމެގެން ދިޔައިރު ކޮޓަރީގެ ޑަސްޕިނުގައި އެމީހުން އެތަނުގައި ތިބެގެން ކައިފައި ހުރިކަމަށް ބެލެވޭ ކޭކާއި ބިސްކޯދު ޕެކެޓާއި ކޯކު ހުސް ކުރި ފުޅި ހުރި ކަމަށް އިތުބާރު ހުރި މަސްދަރު ތަކުން އެނގިފައި ވެއެވެ.

18  އަހަރު ނުވާ މިއަންހެން ކުއްޖާ އަކީ ދާދި ފަހުން ޖަލާލުއްދީން ސްކޫލުން އެކުއްޖާގެ ބެލެނިވެރިޔާ އެދިގެން ސްކޫލުން ވަކިކޮށްފައިވާ ކުއްޖެކެވެ. އަދި އޭގެފަހުން ކުޑަ ދުވަސް ކޮޅަކު މެދުކެނޑު މަކަށް ފަހު އަފީފުއްދީން ސްކޫލަށް ވައްދާ އެސްކޫލުގެ ގުރޭޑް 8 ގައި މިހާރު ތައުލީމް ހާސިލް ކުރަމުންދާ ދަރިވަރެކެވެ.

މިކަމާ ގުޅިގެން އަފީފުއްދީން ސްކޫލަށް ގުޅާލުމުން ބުނީ ދަރިވަރަކު ސްކޫލަށް ހާޒިރު ވުމުގެ ނަމުގައި ސްކޫލަށް ހާޒިރު ނުވެ ބޭރުގައި އުޅޭ ކަން ފާހަގަ ކުރެވިގެން، ދާދި ފަހުން ސްކޫލާ ގުޅުނު ގުރޭޑް 8 ގައި ތައުލީމް ހާސިލް ކުރަމުން ދާ ދަރިވަރަކާ މެދު ސްކޫލު މެނޭޖްމަންޓުން ފިޔަވަޅު އަޅާފައިވާކަމަށެވެ. އެގޮތުން އެދަރިވަރަށް ވަނީ ސްކޫލަށް ނައިސް ގޭގައި މަޑު ކުރުމަށް އަންގާފަކަމަށެވެ.

މިއަންހެން ކުއްޖާއަކީ ދޭތެރެ ދޭތެރެއިން އާއިލާ އާ ފިލާ ކުއްޖެކަމަށް މައުލޫމާތު ލިބެއެވެ.