މިހާތަނަށް އެއްލައްކަ އަށްވުރެ ގިނަ ރުފިޔާ ފިތުރު ޒަކާތުގެ ގޮތުގައި ދައްކާފައިވޭ: ކުޅުދުއްފުށީ ކައުންސިލް

ރަމަޟާން މަހުގެ 21 ވަނަ ދުވަހުގެ ނިޔަލަށް ފިތުރު ޒަކާތުގެ ގޮތުގައި ކުޅުދުއްފުށީ ކައުންސިލަށް އެއް ލައްކައަށް ވުރެ ގިނަ ރުފިޔާ ދައްކާފައިވާ ކަމަށް ކުޅުދުއްފުށީ ކައުންސިލުން ހާމަކޮށްފި އެވެ.

ކުޅުދުއްފުށީ ކައުންސިލުން ބުނީ ރަމަޟާން މަހުގެ 21 (ޖުލައި 29)ގެ ނިޔަލަށް ކުޅުދުއްފުށީގެ 7377 މީހުންގެ މަތިން 110417 ރުފިޔާ ފިތުރުގެ ގޮތުގައި ދައްކާފައިވާ ކަމަށެވެ. އަދި މިހާރު ގިނަ ބަޔަކު ފިތުރު ޒަކާތް ދައްކާފައިވާ ކަމަށްވެސް ކައުންސިލުން މައުލޫމާތު ދެއެވެ.

ކުޅުދުއްފުށީގައި ފަޤީރުންގެ ގޮތުގައި ރަޖިސްޓްރީ ކުރުމަށް މިދިޔަ ޖޫން މަހު ހުޅުވާލި ފުރުޞަތުގައި 1292 މިހުން ފަގީރުންގެ ގޮތުގައި ރަޖިސްޓްރީ ކޮށްފައި ވެއެވެ. މިދިޔަ އަހަރު ކުޅުދުއްފުށީގައި ފަގީރުންގެ ގޮތުގައި 1342 މީހަކު ވަނީ ރަޖިސްޓްރީ ކޮށްފައެވެ.