މާލިހާމަގު ހޮޅިއަށީގައި ޖުމުހޫރީ ކޯލީޝަނުގެ ކުލަ ލައިފި

ކުޅުދުއްފުށީ މާލިހާމަގު ހޮޅިއަށީގައި އެމްޑީޕީން ރީނދޫ ކުލަ ލާފައިވަނިކޮށް އެ ހޮޅުއަށި ކުރިން ހުރި ކުލަ އަށް މިއަދު ބަދަލު ކޮށްފިއެވެ.

މިއަދު ހަވީރު މަލިހާމަގު ހޮޅުއަށީގައި ކުލަ ލާފައިވަނީ ޖުމްހޫރީ ކޯލިޝަންނުންނެވެ. މިހޮޅުއަށީގައި ޖުމްހޫރީ ކޯލިޝަނުން މިއަދު ކުލަ ލާފައި މިވަނީ ދާދި ފަހުން އެމްޑީޕީގެ ސަޕޯޓަރުންތަކެއް އެހޮޅުއަށީގައި ރީނދޫ ލާފައި ވަނިކޮށެވެ. މާލިހާ މައިޒާންގެ މި ހޮޅުއަށީގައި އެންމެ ފުރަތަމަ ކުލަލީ އަދާލަތު ޕާޓީން ފެހި ކުލަ އެވެ.

މާލިހާ މަގުގެ މި ހޮޅުއަށީގައި މިއަދު ލާފައިވަނީ ޖުމުހޫރީ ކޯލީޝަނުގެ ކުލަތައް ކަމަށްވާ ރަތް، ފެހި، އަދި ހުދު ކުލައެވެ. މާލިހާ މައިޒާނަކީ ކުރިއްސުރެވެސް އަދާލަތު ޕާޓީގެ ފަރާތުން ސިޔާސީ ހަރަކާތްތައް ކުރިއަށް ގެންދިއުމަށް ބޭނުން ކުރަންމުން އަންނަ ހޮޅުއަށްޓެކެވެ.