އެމްޑީޕީގެ ފަރާތުން ކުޅުދުއްފުށީގައި ދީނީ ދަރުސް ދީފި

މޯލްޑިވްސް ޑިމޮކްރެޓިކް ޕާޓީ (އެމްޑިޕީ)ގެ ފަރާތުން ރޭ ކުޅުދުއްފުށީގައި ދީނީ ދަރުސް ދީފި އެވެ.

ކުޅުދުއްފުށީ އެމްޑީޕީ ޒުވާނުން ގޮފިން އިސްނަގައިގެން ކުރިއަށް ގެންދިޔަ މި ދަރުސް ދެއްވާފައިވަނީ ޝެއިހް ނަސްރުﷲ އަލީ އެވެ. ރޭ ކުޅުދުއްފުށީ ބަންޑާރަމައިދާނުގައި ކުރިއަށް ދިޔަ މިދަރުސް އަޑުއެހުމަށް ގިނަ ބަޔަކު ވަނީ ޖަމާވެފައެވެ.

ރޭގެ ދަރުސްގައި ނަމާދުގެ މުހިއްމުގެ މައްޗަށް ޝެއިޚު ވާހަކަ ދެއްކެވި އެވެ.

ކުޅުދުއްފުށީގައި މި ރަމަޟާންމަހުގެ ތެރޭގައި މިގޮތަށް އެހެން ބަޔަކު ދަރުސް ދީފައެއް ނުވެއެވެ.