ރައީސް ނަޝީދު މިއަދު ކުޅުދުއްފުއްޓަށް ވަޑައިގަންނަވަނީ

އުތުރުގެ ބައެއް ރަށްތަކަށް ކުރައްވާ ކެމްޕެއިން ދަތުރުފުޅުގައި އެމްޑީޕީގެ ރިޔާސީ ކެނޑިޑޭޓް ރައީސް މުހައްމަދު ނަޝީދު މިއަދު ކުޅުދުއްފުއްޓަށް ވަޑައިގަންނަވާނެ ކަމަށް އެމްޑީޕީ ކުޅުދުއްފުށީ ގޮފިން ބުނެފި އެވެ.

އެމްޑީޕީ ކުޅުދުއްފުށި މައުލޫމާތު ދޭގޮތުގައި ރައީސް ނަޝީދު ކުޅުދުއްފުއްޓަށް މިއަދު ވަޑައިގަތުމަށް ހަމަޖެހިފައި ވަނީ ހަވީރު 4:15 ގައެވެ. އަދި މިރޭ ރައީސް ނަޝީދު ބައިވެރިވަޑައިގަންނަވާ ވަރަށް ހާއްސަ ޖަލްސާ އެއް 9:00 ގައި ޖަލާލުއްދީން ސްކޫލުގައި އޮންނާނެ ކަމަށް އެފަރާތުން މައުލޫމާތު ދެއެވެ.

ކުރިއަށް އޮތް ރިޔާސީ އިންތިހާބުގައި ކެމްޕެއިން ކުރުމަށް މިހާތަނަށް އެންމެ ގިނަ ފަހަރު ކުޅުދުއްފުއްޓަށް ވަޑައިގަނެފައިވަނީ ރައީސް ނަޝީދެވެ.