ތިލަދުންމަތީގެ 85 ޕަންސެޓް ވޯޓު އެމްޑީޕީން ހޯދާނަން: މެމްބަރު ޤަފޫރު

އެއަރޕޯޓެއް އެޅުމުގެ ވައުދަށް ވުރެ މައުމޫނު އަވަހާރަ ވުމުން އެމަނިކުފާނުގެ މަގުބަރާ ކުޅުދުއްފުށީގައި އަޅުއްވައި ދެއްވާނެކަމުގެ ވައުދު ޔާމީން ވީނަމަ އެކަން ރައްޔިތުން ގަބޫލު ކުރީސް: ޤަފޫރު

ރިޔާސީ އިންތިހާބުގައި ރައީސް ނަޝީދު އަށް ތިލަދުންމަތިން 85 ޕަސެންޓު ވޯޓު ލިބޭނެ ކަމަށް ކުޅުދުއްފުށީ އުތުރު ދާއިރާގެ މަޖިލިސް މެމްބަރު އަބުދުލް ޤަފޫރު މޫސާ ވިދާޅުވެއްޖެ އެވެ.

ހދ ކުޅުދުއްފުށީ ގައި ރޭ ބޭއްވި ކެމްޕެއިން ޖަލްސާގައި މެމްބަރު ޤަފޫރު ވިދާޅުވީ ތިލަދުންމަތީގައި އެމްޑީޕީއަށް އަގުލަބިއްޔަތު ނުލިބޭނެ ހަމަ އެންމެ ރަށެއް ވެސް ނެތް ކަމަށާއި، އިންތިހާބު ކާމިޔާބު ކުރާނީ 85 ޕަސެންޓު ވޯޓާއެކު ކަމަށެވެ.

“.މި ތިލަދުންމަތިން އަޅުގަނޑުމެންނަށް މެޖޯރިޓީ ނުލިބޭނެ ހަމަ އެއްވެސް ރަށެއް ނެތް. މިއިންތިހާބު ކާމިޔާބު ކުރާނީ ތިލަދުންމަތީގެ 85 ޕަސެންޓު ވޯޓާއެކު. މުޅި މި ތިލަދުންމަތި މިވަނީ  އެއްފަރާތަކަށް ގޮސް އަރިވެފަ އެހެން ވީމާ އަޅުގަނޑު މި ބުނަނީ އަޅުގަނޑުމެންގެ ރިޔާސީ ކެންޑިޑޭޓް ހުވާ ކުރާ މަންޒަރު ވަރަށް ކައިރިން ފެނެޔޭ. އިރާދަ ކުރެއްވިއްޔާ މިއިންތިހާބު ކާމިޔާބުކޮށް އެމަނިކުފާނު 11 ނޮވެމްބަރު ގައި ހުވާ ކުރައްވާނެ ކަމީ ހިތުގައި އެއްވެސް ޝައްކެއް އޮތް ކަމެއް ނޫން.” ޤަފޫރު ޖަލްސާގައި ވަރަށް ފޯރިއާއެކު ވާހަކަފުޅު ދައްކަމުން ވިދާޅުވި އެވެ.

600.އަށް ވުރެގިނަ މީހުން ތިބި މި ޖަލްސާ ގައި މެމްބަރު ޤަފޫރު ވިދާޅުވީ އެމްޑީޕީ އިން އުޅެނީ ޤައުމު ތަރައްގީ ކުރުމަށްކަމަށާއި އަދި  ކުޅުދުއްފުށި ތަރައްޤީ ކުރާނެކަމަށެވެ.

ޕީޕީއެމްގެ ރިޔާސީ ކެންޑިޑޭޓް އެންމެ ފަހުން ކުޅުދުއްފުށީގައި ބޭއްވި ޖަލްސާގައި ޕީޕީއެމްގެ ސަރުކާރެއްގެ ފުރަތަމަ 2 އަހަރު ތެރޭގައި ކުޅުދުއްފުށީގައި އެއަރޕޯޓެއް އަޅުއްވައި ދެއްވާނެކަމަށް ވައުދުވެ ވަޑައިގަންފައިވާތީ ޔާމީނުގެ އެވަޢުދަށް ފާޑުވިދާޅުވަމުން ޤަފޫރު ވިދާޅުވީ  30 އަހަރު ނޭޅުނު އެއަރޕޯޓެއް 2 އަހަރުގެ ތެރޭގައިނޭޅޭނެ ކަމަށެވެ.އަދި ކުޅުދުއްފުށީގައި އެއަރޕޯޓެއް އެޅުމުގެ ވައުދަށް ވުރެ ރައީސް މައުމޫނު އަވަހާރަ ވުމުން އެމަނިކުފާނުގެ މަގުބަރާ ކުޅުދުއްފުށީގައި އަޅުއްވައި ދެއްވާނެ ކަމުގެ ވައުދު ޔާމީން ވީ ނަމަ އެކަން ރައްޔިތުން ގަބޫލު ކުރީސް ކަމަށެވެ.

“މިއަދު އެބޭފުޅުން (ޕީޕީއެމް) ލަދު ގަންނަން ޖެހޭނެ ކުޅުދުއްފުށީގައި އެއަރޕޯޓެއް އަޅާނަމޭ ބުނަން. މިރަށު ރައްޔިތުންނެއް ގަބޫލެއް ނުކުރާނެ. އެއަށް ވުރެއް މާ ރަނގަޅު ވާނެ އެބޭފުޅުންގެ ޒައީމް މަރުވީމާ އެބޭފުޅާގެ މަގުބަރާ ކުޅުދުއްފުށީގައި އަޅާނަމޭ ބުނި ނަމަ. މާ ރީތިވާނެ. 30 އަހަރުން ނޭޅުނު އެއަރޕޯޓެއް 2 އަހަރު ތެރެއަކުން ނޭޅޭނެ ޔާމީނު ލަދުގަންނަޖެހޭނެ.” ގަފޫރު ވިދާޅުވި އެވެ.

ރޭގެ ޖަލްސާގައި ގާސިމަށާއި ޔާމީނަން ފާޑުވިދާޅުވަމުން  ޤަފޫރު ވިދާޅުވީ  އެބޭފުޅުންނަކީ  މިގައުމުގެ ހާއިނުން ކަމަށާއި އެބޭފުޅުން އެތިއްބެވީ  ކަނޑައެޅިގެން މުތުލަގު  ހަރާމްވެރިކަމެއްކޮށް މިގައުމުގައި ބަޣާވާތް ކޮށްގެން ކަމަށެވެ. އަދި ހަރާން ވެރިކަމުގެ ފުރިހަމަ ޒިންމާ އެ ދެ ބޭފުޅުން އުފުއްލަވަން ޖެހޭނެކަމަށް ޤަފޫރު ވިދާޅުވި އެވެ. އޭނާ އިތުރަށް ވިދާޅުވީ ގާސިމަށާއި ޔާމީނަށް މިގައުމުގެ ރައްޔިތުން މާފު ނުކުރާނެކަމަށާއި އެބޭފުޅުން އިންސާފުގެ ކުރިމައްޗަށް ހާޒިރު ކުރާނެކަމަށެވެ.

ރޭ ކުޅުދުއްފުށީ ޖަލާލުއްދީން ސްކޫލު ހޯލުގައި ބޭއްވި މިޖަލްސާ ގައި ރައީސް ނަޝީދާއި ތޮއްޑޫ ދާއިރާގެ މެމްބަރު ވާހަކަފުޅު ދެއްކެވި އެވެ. މިޖަލްސާގައި ހދ ކުރިނބީ އާއި ހދ ކުމުންދޫގެ އެމްޑީޕީ ސަޕޯޓަރުން ބައިވެރިވި އެވެ.

[yass cats=32]