ޖަލާލުއްދީން ސްކޫލުގެ އޭލެވެލްގައި ބައޮލޮޖީ ކިޔަވާ ދަރިވަރުންގެ “އެކޮލޮޖީ” ފީލްޑް ޓްރިޕެއް ބާއްވައިފި

ޖަލާލުއްދީން ސްކޫލުގެ އޭލެވެލްގައި ބައޮލޮޖީ ކިޔަވާ ދަރިވަރުންގެ “އެކޮލޮޖީ” ފީލްޑް ޓްރިޕެއް ބާއްވައިފި އެވެ.

މިފީލްޑް ޓްރިޕުގައި ދަރިވަރުން ޒިޔާރަތް ކޮށްފައިވަނީ ކުލުދުއްފުށީ ކުޅި ހިމެނޭ ސަރަހައްދަށެވެ. ޖަލާލުއްދީން ސްކޫލުގެ ގްރޭޑް 12 ގައި ތައުލީމު ހާސިލު ކުރަމުންދާ 31 ދަރިވަރުން ބައިވެރިވި މި ފީލްޑް ޓްރިޕުގައި އެސަރައްހަދުގައި ހެދިފައިހުރި ގަސްތަކުގެ ބާވަތްތަކާއި ގަސްތައް އުފެދި ބޮޑުވަމުން އައިސްފައިވާ ގޮތްތައް ބަލާ ދިރާސާ ކޮށްފައި ވެއެވެ. އަދި އިންސާނުންގެ ސަބަބުން ގަސްތަކުގެ ނަސްލަށް އަންނަ ނޭދެވޭ އަސަރު ތައް ވެސް ދަރިވަރުން ދިރާސާ ކޮށްފައިވާ ކަމަށް އެ ސްކޫލުން މައުލޫމާތު ދެއެވެ.

ހޮނިހިރު ދުވަހު ހެނދުނު ކުރިއަށް ގެންދިޔަ މި ޓްރިޕުގައި ދަރިވަރުން ވަނީ ފުއްޓަރުން ފެށިގެން ރަށުގެ އެތެރެއަށް 100 މީޓަރު ގައި ހެދިފައި ހުރި ގަސްގަހާގެހި ބަލައި ދިރާސާ ކޮށްފަ އެވެ.

މި ޓްރިޕުގައި ޖަލާލުއްދީން ސްކޫލުގެ 2 ސްޕަވައިޒަރާއި 3 ޓީޗަރުން ބައިވެރިވި އެވެ.