ކުޅުދުއްފުށީ އަމީރު އަމީން ސްކޫލުގައި “ސަގާފީ ދުވަސް” ފާހަގަ ކޮށްފި

ކުޅުދުއްފުށީ އަމީރު އަމީން ސްކޫލުގައި “ސަގާފީ ދުވަސް” މިއަދު ފާހަގަ ކޮށްފި އެވެ.

މިދުވަސް ފާހަގަ ކުރުމުގެ ގޮތުން މިއަދު ހެނދުނު ވަނީ ޔޫކޭޖީ ކުދިންނަން ހާއްސަ އެސެމްބްލީއެއް ބާއްވާފަ އެވެ. އެސެމްބްލީ ޝަރަފުވެރި ކޮށްދެއްވަމުން ކައުންސިލް މެމްބަރު ޖަމްޝީދު މުހައްމަދު ވަނީ ދުވަހާ ގުޅޭ ގޮތުން ދަރިވަރުންނާ މުހާތަބުކޮށް ވާހަކަ ދައްކަވާފަ އެވެ.

އަމީރު އަމީން ސްކޫލް ހިންގުމާ ހަވާލުވެ ހުންނެވި އައިޝަތު މުހައްމަދު ވިދާޅުވީ މިފަދަ ދުވަހެއް ފާހަގަ ކުރުމުގެ މުހިއްމު ކަމަކީ ދަރިވަރުންގެ ހިތަކުގައި ދިވެހި ސަގާފަތާއި ދިވެހި އާދަކާދައަށް ލޯބި އިތުރު ކުރުމާއެކު މިފަދަ ކައްތައް އެކުދިންގެ ހިތްތަކުގައި އާލާ ކުރުން ކަމަށެވެ.

ދުވަހުގެ މުނާސަބަތުގައި ސްކޫލުގައި ވަނީ ދިވެހިންގެ އާދަކާދައިގެ ތެރޭގައި ހިމެނޭ، ކުރީ ޒަމާނުގައި ދިވެހިން މަސައްކަތް ކުރަން ބޭނުން ކުރި ތަކެއްޗާއި އެތަކެތި ބޭނުން ކުރާގޮތް ދަރިވަރުންނަން ދައްކާލާފަ އެވެ.

މިއަދު އަމީރު އަމީނު ސްކޫލުގެ ދަރިވަރުނާއި މުދައްރިސުން ސްކޫލަށް ދިޔައީ ސަގާފީ ހެދުން އަޅައިގެން ކަން ފާހަގަ ކޮށްލެވެއެވެ. މީގެ ކުރިން މިފަދަ ސަގާފީ ހަރަކާތްތައް އެ ސްކޫލުގައި ކުރިއަށް ގެންގޮސްފައި ވެއެވެ.