ވައިކަރަދޫގައި އަދާލަތު ޕާޓީގެ ޖަގަހައެއް ހުޅުވައިފި

ހދ ވައިކަރަދޫގައި އަދާލަތު ޕާޓީގެ ޖަގަހައެއް ހުޅުވައިފި އެވެ.

ރިޔާސީ އިންތިހާބަށް ކެމްޕޭން ކުރުމުގެ ގޮތުން ހޯމަ ދުވަހުގެ ރޭ ހުޅުވުނު މި ޖަގަހަ ރަސްމީކޮށް ހުޅުވައިދެއްވީ އަދާލަތު ޕާޓީގެ ރައީސް ޝެއިޙް އިމްރާން އަބުދުﷲ އެވެ.

އަދާލަތު ޕާޓީގެ ވައިކަރަދޫ ފެންޑާގެ ނަމުގައި ހުޅުވުނު މި ޖަގަހައިގައި ކޮންމެ ރެއަކުވެސް ކެމްޕޭނަށް ކޮންމެވެސް ހަރަކާތެއް ކުރިއަށް ދާނެ ކަމަށް އަދާލަތު ޕާޓީގެ ވައިކަރަދޫ ގޮފީގެ ރައީސް އާމިރު މައުލޫމާތު ދެއްވައެވެ.

ވައިކަރަދޫގައި ހުޅުވުނު މި ޖަގަހަ ބޮޑަށް ބޭނުން ކުރެވޭނީ ރިޔާސީ އިންތިހާބުގެ ކެމްޕޭން ހަރަކާތްތައް ރޭވުމަށް ކަމަށް ވެސް އޭނާ ވިދާޅުވި އެވެ.

އަދާލަތު ޕާޓީ ހިމެނޭ ޖުމްހޫރީ ގުޅުމުގެ ފަރާތުން ރޭ ކުޅުދުއްފުށީގައި ޖަލްސާއެއް ވަނީ ބާއްވާފައެވެ.