ސަތޭކަ މެޑަލްއާއެކު އެންމެ ކުރީގައި އޮވެ ހދ. އޭއީސީ މައިލޯ އިންޓަރ ސްކޫލު އެތުލެޓިކްސް މީޓު ނިންމާލައިފި

ހދ އަތޮޅު ތައުލީމީ މަރުކަޒު ސަތޭކަ މެޑަލްއާއެކު އެންމެ ކުރީގައި އޮވެ މައިލޯ އިންޓަރ ސްކޫލު އެތުލެޓިކްސް މީޓު ނިންމާލައިފި އެވެ.

މިމަހު 22 އިން 24 އަށް މާލޭ ކުޅިވަރު އެކުވެނީގައި ކުރިއަށް ދިޔަ 16 ވަނަ މައިލޯ އިންޓަރ ސްކޫލު އެތުލެޓިކްސް މީޓުގައި ހދ އަތޮޅު ތައުލީމީ މަރުކަޒު ވަނީ 55 ގޯލްޑް މެޑަލް ހޯދާފައެވެ. އަދި 33 ސިލްވަރ މެޑަލް ހޯދަފައިވާ އިރު 12 ބުރޯންޒް މެޑަލް ހޯދާފައި ވެއެވެ.

މިމުބާރާތުގައި ތައުލީމީ މަރުކަޒު ވަނީ 3 އުމުރުފުރާއިން ބެސްޓު އެތުލީޓު ކަން ހޯދާފައެވެ. 9 އަހަރުންދަށުގެ އަންހެން އެންމެ މޮޅު އެތުލީޓުކަން ތައުލީމީ މަރުކަޒުގެ ރިފާ މުހައްމަދު ހޯދާފައިވާ އިރު 11 އަހަރުން ދަށުގެ އެންމެ މޮޅު ފިރިހެން ދަރިވަރަށް ހޮވިފައިވަނީ ވެސް ތަައުލީމީ މަރުކަޒުގެ ހުސެއިން ސިރާޖެވެ. އަދި 13 އަހަރުން ދަށުގެ އުމުރު ފުރާއިންވެސް އެންމެ މޮޅު ދަރިވަރަކަށް ހޮވިފައިވަނީ އޭއީސީގެ ހައްވާ ރިފްނާ އެވެ.

14 ސްކޫލަކުން، ޖުމްލަ 6 އުމުރު ފުރާއަކުން 600 އަށްވުރެ ގިނަ އެތުލީޓުން ވާދަކުރި މި މުބާރާތުގައި ތައުލީމީ މަރުކަޒު ވާދަކުރި 6 ކެޓަގަރީގެ ތެރެއިން ހަތަރު ކެޓަގަރީ އަކުން ވަނީ ޗެމްޕިއަން ކަން ހޯދާފައެވެ. އަދި 1 އުމުރު ފުރާއިން 2 ވަނަ ހޯދާފައި ވެއެވެ.

މިމުބާރާތުގައި ހޯދި ކާމިޔާބީއަކީ ސްކޫލުގެ ހުރިހާ ބެލެނިވެރިންނާއި ޓިޗަރުންނާއި ޖުމްލަކޮށް ހުރީހާ ފަރާތްތަކުން ކުރި މަސައްކަތުން ލިބުނު ކާމިޔާބީއެއް ކަމަށާއި އަދި މުބާރާތުގައި ބައިވެރިވި ދަރިވަރުންނަން ކުލާސްތައް ނަންގަވައިދެއްވި ހުރިހާ ބޭފުޅުންނަން ސްކޫލުގެ މެނޭޖުމެންޓްގެ ނަމުގައި ޝުކުރު ދަންނަވާ ކަމަށް އެ ސްކޫލުން ބުންޏެވެ.