ކުޅުދުއްފުށީ އަމީނީމަގުގައި ތާރު އަޅަން ފަށައިފި

ކުޅުދުއްފުށީ އަމީނީމަގުގައި މިއަދު ތާރު އަޅަން ފަށައިފި އެވެ.

މިއަދު މެންދުރުފަހު ތާރު އަޅަންފަށާފައިވާއިރު މޫސުން ތަންދޭނަމަ ހުއްޓުމެއް ނެތި އަވަސް މުސްތަގުބަލެއް ގައި މަގުގައި ތާރު އަޅާ ނިންމާލެވޭނެކަމަށް އެމްއާރުޑީސީން މައުލޫމާތު ދެއެވެ. އެމްއާރުޑީސީން ބުނީ މިދުވަސް ވަރަކީ ކުޅުދުއްފުއްޓަށް އެހާ މޫސުން ރަގަޅު ދުވަސް ވަރަކަށް ނުވާތީ، ތާރު އެޅުމުގައި ދަތިތަކެއް ކުރިމަތި ވަމުން އަންނަކަމަށެވެ.

މިއަދު ތާރު އަޅަން ފެށުމުން ކުޅުދުއްފުށީގެ ރައްޔިތުން ވަނީ ހިތްހަމަޖެހުން ފާޅުކޮށްފަ އެވެ. ބައެއް ރައްޔިތުން ބުނީ ކިތަންމެ ގިނަދުވަސް ފަހުން ވިޔަސް މަގުގައި ތާރު އަޅާ ތަން ފެނުމުން ހިތްހަމަ ޖެހޭ ކަމަށާއި މިއީ ކުޅުދުއްފުށީ ރައްޔިތުންނަށް ލިބިގެން ދާނެ ވަރަށް ބޮޑު ފަސޭހައެއް ކަމަށް ބައެއް ފަރާތްތަކުން ބުންޏެވެ.

ފަހަކަށް އައިސް ކުޅުދުއްފުށީގެ އަމީނީމަގުގެ ތާރު އެޅުމުގެ މަސައްކަތް ދަނީ ވަރަށް ބާރު ސްޕީޑެއްގައި ކުރަމުންނެވެ.

[yass cats=34]