ﷲ އަށް އީމާން ނުވާ ކުދިން ރާއްޖޭގެ ސްކޫލު ތަކުން މިއަދު އެބަނިކުމޭ: ޝޭހް ސަމީރު

ރާއްޖޭގެ ސްކޫލު ތަކުން މިއަދު ކިޔަވައިގެން ނިކުންނަ ގިނަ ކުދިން މާތް ﷲ އަށް އީމާނެއް ނުވާކަމަށް ޝޭހް އަހުމަދު ސަމީރު އިބުރާހިމް ވިދާޅުވެއްޖެ އެވެ.

ޝޭހް ސަމީރު މިހެން ވިދާޅުވީ ކުޅުދުއްފުށީ ސްކޫލުތަކުން އިންތިޒާމް ކޮށްގެން  ބާއްވަމުންދާ ނަސޭހަތް ދިނުމުގެ ޕްރޮގްރާމްގެ ތެރެއިން “ހެޔޮ ގޮތުގައި ދަރިން ތަރުބިއްޔަތު” ކުރުމުގެ މަޢުލޫއަށް ރޭ ބެލެނިވެރިންނާ ވާހަކަ ދައްކަވަމުންނެވެ.ޝޭހް ވިދާޅުވީ  މިއަދު ރާއްޖޭގެ ސްކޫލުތަކުން ކިޔަވައި ނިކުމެގެން މުޖުތަމައަށް ނިކުންނަ ގިނަ ކުދިންނަކީ އިލާހަކަށް އީމާން ނުވާ ކުދިންކަމަށެވެ. އަދި ރާއްޖޭގައި އިލްހާދުގެ ފިކުރު ފެތުރޭ ކަމަށެވެ.

“އަޅުގަނޑުމެން ސްކޫލު ތަކުން އެގާރަ އަދި ބާރަ ނިންމާފަ ނިކުންނަ ގިނަ ކުދިންނެއް އިލާހަކަށް އީމާނެއް ނުވޭ. އިލްހާދުގެ ފިކުރު ދިވެހިރާއްޖޭގައި އެބަ ފެތުރޭ. ﷲ އަށް އީމާން ނުވާ ދަރީން އަޅުގަނޑުމެންގެ ސްކޫލުތަކުން  އެބަ ނިކުމޭ. މިއީ ހަޤީޤަތެއް. ކިހާ ބޮޑު އުއްމީދެއް ކޮށްފައި އެދަރިފުޅު ސްކޫލަށް ލީ. އެހެންނަމަވެސް އަޅުގަނޑުމެންގެ އިހްމާލުން އަޅުގަނޑުމެންގެ ތަރުބަވީ ނިޒާމްގެ ތަކުގެ ތެރެއިން އަޅުގަނޑުމެންގެ ސްކޫލު މަދަރުސާ ތަކުގެ ތެރެއިން މުޖުތަމައަށް މިނިކުންނަނީ އެއްކައުވަންތަ އިލާހަކަށް އީމާން ނުވާ މީހެއްގެ ގޮތުގަ.” ޝޭހް ސަމީރު ވިދާޅުވި އެވެ.

އޭނާ ވިދާޅުވީ މިއަދު ރާއްޖޭގެ ސްކޫލު ތަކުން 3 ބާވަތެއްގެ ކުދިން މިއަދު ނިކުންނަ ކަމަށާއި އޭގެ ތެރޭގައި ހިމެނެނީ އިސްލާމް ދީނަން ލޯބި ކުރާ ރަނގަޅު ކުދިންނާއި ދެކޮޅަށް ކިރާލަ ކިރާލަ ތިބޭ ކުދިން އަދި އިސްލާމް ދީނާއި އަދާވަތްތެރި ކުދިންކަމަށެވެ.

ގިނައަދަދެއްގެ ބެލެނިވެރިންނާއި މުހާތަބުކޮށް ރޭގެ ޖަލްސާ ގައި ވާހަކަ ދައްކަވަމުން ޝޭހް އަހުމަދު ސަމީރު ވިދާޅުވީ މިހެން ދަރިންނަށް ދިމާވާން މިޖެހެނީ ބެލެނިވެރިން އެކުދިން ތަރުބިއްޔަތު ކުރާ ގޮތެއް ގެ ސަބަބުން ކަމަށެވެ. އޭނާ ވިދާޅުވީ ދަރުސް ތަކަށް ވުރެ މައިންބަފައިން ދައްކާ ނަމޫނާ އިން ދަރިންނަށް ފައިދާ ކުރާނެ ކަމަށާއި ދަރިން ތަރުބިއްޔަތު ކުރެވޭނީ ބެލެނިވެރިންގެ އަގީދާ ވަރުގަދަ ކޮށްގެން ކަން ޝޭހްގެ ވާހަކައިގައި ފާހަގަ ކުރެއްވި އެވެ.

ޝެހް ސަމީރު ވިދާޅުވީ އަގީދާއާ މެދު ދަރިވަރަކު ސުވާލު ކޮށްލުމުން އެކުދިންނަށް ދޭނެ ޖަވާބެއް ބެލެނިވެރިންގެ ކިބައިގާ ނުހުރުމުގެ ސަބަބުން ވެސް ދަރިން ގެއްލިގެންދާ ކަމަށާއި ދަރިން ތަރުބިއްޔަތު ކުރުމުގެ ކުރިން ބެލެނިވެރިން ހަރުދަނާ ބަޔަކަށްވެ، އަގީދާ ވަރުގަދަ ކުރަން ޖެހޭކަމަށެވެ.

ޝޭހް ސަމީރު ދެއްވި ނަސޭހަތް އަޑުއެއްސެވުމަށް: