ކުޅުދުއްފުށީ ކައުންސިލްގެ ރައީސާއި ހދ އަތޮޅު ކައުންސިލްގެ ނައިބު ރައީސް އެމްޑީޕީ ދޫކޮށް ޖުމްހޫރީ ޕާޓީއާ ގުޅިވަޑައިގެންފި

ކުޅުދުއްފުށީ ކައުންސިލުގެ ރައީސް އިބްރާހީމް ރަމީޒާއި ހދ އަތޮޅު ކައުންސިލުގެ ނައިބު ރައީސް ނަޞްރުﷲ އިސްމާއީލް އަދި އަތޮޅު ކައުންސިލްގެ ކުރީގެ ރައީސް އާދަމް ވަހީދު ޖުމުހޫރީ ޕާޓީއާ ގުޅިވަޑައިގެންފި އެވެ.

ޖުމުހޫރީ ޕާޓީއާ މިބޭފުޅުން ގުޅިވަޑައިގަތުމަށް މިއަދު ހަވީރު އެޕާޓީގެ އޮފީހުގައި ބޭއްވި ރަސްމިއްޔާތުގައި ކުޅުދުއްފުށީގައި ޕީޕީއެމްގެ ހަރަކާތްތަކުގެ އިސްކޮށް އުޅޭ އިބްރާހީމް އަހުމަދު ވެސް އެޕާޓީއަށް ސޮއިކޮށްފައި ވެއެވެ.

ކުޅުދުއްފުށީ ކައުންސިލުގެ ރައީސް އިބުރާހިމް ރަމީޒަކީ އެމްޑީޕީ މެމްބަރެކެވެ. އަދި ހދ އަތޮޅު ކައުންސިލުގެ ނައިބު ރައީސް ނަޞްރުﷲ އިސްމާއިލަކީ ވެސް އެމްޑިޕީގެ މެމްބަރެކެވެ. މީގެ އިތުރުން އަތޮޅު ކައުންސިލުގެ ކުރީގެ ރައީސް އާދަމް ވަހީދަކީ، ކުޅުދުއްފުށީ އެމްޑީޕީގެ ދެކުނު ދާއިރާގެ ކުރީގެ ރައީސެވެ.

ޖުމުހޫރީ ޕާޓީއާ ގުޅިވަޑައިތުމާ ގުޅޭގޮތުން ކުޅުދުއްފުށީ ކައުންސިލުގެ ރައީސްގެ ބަހެއް ފޯނަށް ޖަވާބު ނުދެއްވާތީ ލިބޭގޮތް ވަނީ ނުވެފައެވެ.