މިލަންދޫ ސްކޫލްގެ ދަރިވަރުން އައުޓިންއެއް ބާއްވައިފި

ށ. މިލަންދޫ ސްކޫލްގެ ގުރޭޑް 1، 2 އަދި 3 ގެ ދަރިވަރުންގެ އައުޓިންއެއް ބާއްވައިފި އެވެ.

މިލަންދޫ ސްކޫލްގެ ޕުރިންސިޕަލް އަބްދުލް ހަލީލް މުހައްމަދު ވިދާޅުވީ މިފަދަ ހަރަކާތެއް ދަރިވަރުންނަށް ހިންގާފައި މިވަނީ ސަބްޖެކްޓްތައް ކިޔަވައިދިނުމާ އެއްވަރަށް ޕުރެކްޓިކަލް ކިޔަވައިދިނުންވެސް ހިމެނޭތީ ކުލާސްރޫމުން ބޭރުން ދަރިވަރުންނަށް އެއްޗެއް އުނގެނުމުގެ ފުރުޞަތު ހޯދައި ދިނުމުގެ ބޭނުމުގައި ކަމަށެވެ.

މި އައުޓިންގައި ދަރިވަރުން ރަށުގެ ގޮނޑުދޮށަށް ޒިޔާރަތް ކުރުމުގެ އިތުރުން ކުލާސްތައް ނެގުމާއި އެކިއެކި ކުޅިވަރުތައްވެސް ވަނީ ކުޅެފަ އެވެ.

އިއްޔެ ބޭއްވި މި އައުޓިންގައި ތިން ގުރޭޑުން ސަތޭކައެއްހާ ދަރިވަރުންނާއި ޓީޗަރުން އަދި ބެލެނިވެރިންވެސް އެކި ހަރަކާތްތަކުގައި ވަނީ ބައިވެރިވެފަ އެވެ.