އޭޓީއެމްގެ އިތުރު ބޫތެއް ކުޅުދުއްފުށީގައި އިމާރާތް ކޮށްދޭނެ ފަރާތެއް ހޯދުމަށް ބީއެމްއެލްއިން އިއުލާނު ކޮށްފި

އޭޓީއެމްގެ އިތުރު ބޫތެއް ކުޅުދުއްފުށީގައި އިމާރާތް ކޮށްދޭނެ ފަރާތެއް ހޯދުމަށް ބޭންކު އޮފް މޯލްޑިވްސް (ބީއެމްއެލް) އިން އިއުލާނު ކޮށްފި އެވެ.

ބީއެމްއެލްއިން ހުސްވި އޯގަސްޓް މަހުގެ 29 ވަނަ ދުވަހު އާންމު ކުރި އިއުލާނުގައި ވަނީ އެ ބޭންކުގެ ބޭނުމަށް ކުޅުދުއްފުށީގައި އޭޓީއެމް ބޫތެއް އިމާރާތް ކޮށްދޭނެ ފަރާތެއް ހޯދަން ބޭނުންވާ ކަމަށެވެ. އަދި އެކަމށް ޝައުގުވެރިވާ ފަރާތްތަކުން 8 ސެޕްޓެމްބަރު 2013 ވާ އާދިއްތަ ދުވަހު 10:30 ގައި ބޭންކުގެ ކުޅުދުއްފުށީ ބުރާންޗުގައި އެކަމާބެހޭ މައުލޫމާތު ދެވޭނެ ކަމަށެވެ.

ބޭންކުގެ އިތުރު ބޫތެއް އިމާރާތް ކުރުމަށް ބޭނުންވާ ފަރާތްތަކުން އަންދާސީ ހިސާބު ހުށަހަޅަންޖެހެނީ 12 ސެޕްޓެމްބަރ ވާ ބުރާސްފަތި ދުވަހުގެ 10:30 އަށް ކަމަށް ބޭންކުން މައުލޫމާތު ދެއެވެ.

ބޭންކް އޮފް މޯލްޑިވްސްއިން މައުލޫމާތު ދެއްވާ ގޮތުގައި މި އޭޓޫއެމް ބޫތް އިމާރާތް ކުރުމަށް ހަމަޖެހިފައިވަނީ ކުޅުދުއްފުށި ރީޖަނަލް ހޮސްޕިޓަލްގެ އުތުރު ފަރާތުގައި ހުންނަ އެސްޓީއޯ ބޭސް ފިހާރަ ކައިރީގަ އެވެ.

ކުޅުދުއްފުށީ ބޭންކް އޮފް މޯލްޑިވްސްގެ އެންމެ އޭޓީއެމްއެއް ހުރުމުގެ ސަބަބުން އޭޓީއެމް ބޭނުންކުރާ ފަރާތްތަކަށް ދަނީ ދަތިތަކެއް ފޯރަމުންނެވެ.