ކެމްޕޭން ޖަލްސާތައް ނިންމާލުމުގެ ގޮތުން މިއަދު ރައީސް ވަހީދު ކުޅުދުއްފުއްޓަށް ވަޑައިގަންނަވާނެ: ގައުމައިގެން ކުރިއަށް ކޯލިޝަން

ގައުމައިގެން ކުރިއަށް ކޯލިޝަންގެ ކެމްޕޭން ޖަލްސާތައް ނިންމާލުމުގެ ގޮތުން މިއަދު ރައީސް ވަހީދު ކުޅުދުއްފުއްޓަށް ވަޑައިގަންނަވާނެ ކަމަށް އެ ކޯލިޝަނުން ބުނެފިއެވެ.

ގައުމައިގެން ކުރިއަށް ކޯލިޝަނުން ބުނީ މިރޭ ކުޅުދުއްފުށީގައި އެ ކޯލިޝަންގެ ފަރާތުން ބާއްވާ ހާއްސަ ޖަލްސާއަކީ އެ ކޯލިޝަންގެ ކެމްޕޭން ނިންމުމުގެ ގޮތުން ބާއްވާ އެންމެ ފަހު ޖަލްސާ ކަމަށެވެ. އަދި މި ޖަލްސާގައި ރައީސް ވަހީދާއި އެމަނިކުފާނުގެ ރަނިންމޭޓް ތަސްމީން އަލީ ބައިވެރިވެ ވަޑައިގަންނަވާނެ ކަމަށް އެ ކޯލިޝަނުން މައުލޫމާތު ދެއެވެ.

ރައީސް ވަހީދު މިއަދު ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ ހަވީރު 4:30 ކުޅުދުއްފުށީ ސަރަހައްދީ ބަނދަރަށެވެ. އަދި މިރޭ ޖަލްސާ އޮންނާނީ ޖަލާލުއްދީން ސްކޫލްގައި ކަމަށް އެފަރާތުން މައުލޫމާތު ދެއެވެ.