ރިޔާސީ އިންތިހާބުގެ ފުރަތަމަ ބުރުގައި މުހައްމަދު ނަޝީދާ ދެކޮޅަށް ވޯޓުލީ އެންމެން ޔާމީނަށް ވޯޓް ދޭނެ ކަމަށް ޕީޕީއެމް އުތުރުގެ ކެމްޕޭން ކޯޑިނޭޓަރު ނާއިފް ޝައުކަތު ހާމަކޮށްފި އެވެ.
އެގޮތުން ޕީޕީއެމްގެ އުތުރުގެ ކެމްޕޭން ކޯޑިނޭޓަރު ވިދާޅުވީ ހދ އަތޮޅުން 60 އިންސައްތައަށް ވުރެން ގިނަ ވޯޓް ޕީޕީއެމްގެ ކެންޑިޑޭޓް ޔާމީނަށް ލިބޭނެ ކަމަށެވެ.
ޕީޕީއެމްގެ ކެމްޕޭން ކޯޑިނޭޓަރ ނާއިފް ވިދާޅުވީ އުތުރުގެ އަތޮޅުތަކުން އިތުރު ޕާޓީތަކުގެ މީހުން ޕީޕީއެމްގެ ކެމްޕޭނާ ގުޅެމުންދާ ކަމަށާއި ޖުމްހޫރީ ޕާޓީ އާއި އަދާލަތު ޕާޓީގެ ބޭފުޅުންގެ ތާއީދުވެސް ޔާމިނަށް ލިބިފައިވާ ކަމަށެވެ.
ނާއިފް އިތުރަށް ވިދާޅުވީ ޑީއާރުޕިގެ ބޮޑުން އެމްޑީޕީއަށް ވޯޓް ދިނުމަށް ނިންމައިފައިވީ ނަމަވެސް އެހެން އަތޮޅު ތަކެކޭ އެއްފަދައިން ބޮޑު ތިލަދުންމަތީގައި ތިއްބެވި ޑީއާރުޕީގެ އާންމު މެމްބަރުންވެސް ޔާމީނަށް ވޯޓް ދޭނެކަން ހާމަކުރަމުންދާކަމަށާއި އަދި ޕީޕީއެމްގެ ކެމްޕޭން ހަރަކާތްތަކުގައިވެސް ބައިވެރި ވަމުންދާކަމަށެވެ. އަދި މިހާރު ކެމްޕޭން ހަރަކާތްތައް ވަރަށް ބާރަށް ކުރިއަށް ދާކަމަށާއި ވޯޓް އިތުރުކުރުމަށްޓަކައި ދޮރުންދޮރަށް ހިނގުމުގެ ހަރަކާތްތަކެއް ވެސް ކުރިއަށް ދާކަމުގައި އޭނާ ވީދާޅުވި އެވެ.
ރިޔާސީ އިންތިހާބުގެ ފުރަތަމަ ބުރުގައި ކުޅުދުއްފުށިން ޕީޕީއެމްގެ ކެންޑިޑޭޓަށް ލިބިފައިވަނީ 24 އިންސައްތަ ވޯޓެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
