ޗައިނާގެ މީހެއްގެ ނިއްކުރިން ނޭފަތެއް ފަޅުވައިފި

ޗައިނާގެ މީހެއްގެ ނިއްކުރިން ނޭފަތެއް ފަޅުވައިފި އެވެ.

ޒައޮލީން ނަމަކަށް ކިޔާ އުމުރުން 22 އަހަރުގެ މި ފިރިހެން މީހާގެ ނިއްކުރިން ނޭފަތެއް ފަޅުވާފައިމިވަނީ އޭނާއަށް ކުރިމަތިވި އެކްސިޑެންޓެއްގައި އޭނާގެ އަސްލު ނޭފަތަށް ލިބުނު ގެއްލުމަކާ ގުޅިގެންނެވެ.

މިދިޔަ އަހަރުގެ އޮގަސްޓުމަހުގެ 12 ވަނަ ދުވަހު ކުރިމަތިވި މި އެކްސިޑެންޓުގައި ޒައޮލީންގެ ނޭފަތުގެ ސިފަ ގެއްލި ނޭފަތަށް ވަނީ ވަރަށް ބޮޑަށް ޖަރާސީމުވަދެ ހަލާކުވެފަ އެވެ. މިކަމާ ގުޅިގެން އޭނާގެ ނޭފަތުގެ ކާޓިލޭޖުތައްވެސް ހަލާކުވެ އޮޕަރޭޝަން ޑޮކްޓަރުންނަށް ނޭފަތް ރަނގަޅުކުރުމަށް ނުކުޅެދުމުން އިތުރު ނޭފަތެއް ނިއްކުރީގައި ފެޅުވީ އެވެ.

ފުޖިއަން ޕްރޮވިންސުގެ ފުޒޯ ނަަމަކަށް ކިޔުނު ހޮސްޕިޓަލުގައި ކުރެވުނު އޮޕަރޭޝަނުގައި ޒައޮލީންގެ ނިއްކުރީގައި ނޭފަތް ފަޅުވާފައިވަނީ އޭނާގެ މޭ ކަށިގަނޑުން ޓިޝޫ ނަގައިގެންނެވެ. މިހާރު ނިއްކުރީގައި ފަޅުވާފައިވާ ނޭފަތް ކުރިން ހަލާކުވި ހިސާބަށް ގެންދިއުމަށް ޓްރާންސްޕްލާންޓް ކުރާނެ ކަމަށްވެއެވެ.