އަފީފުއްދީން ސްކޫލުގެ ގްރޭޑް ފަހެއްގެ ދަރިވަރުން ކިޔެވުމާ ބެހޭ އަމަލީ ތަޖުރިބާ ހޯދުމަށް ހަނިމާދުއަށް ޒިޔާރަތް ކޮށްފި އެވެ.
ދަތުރާ ބެހޭގޮތުން އެ ސްކޫލުގެ ފަރާތުން މައުލޫމާތު ދެއްވަމުން ޝާހިދާ އާމިރު ވިދާޅުވީ ދަރިވަރުން ކުލާހުގައި ކިޔަވައިދޭ ބައިތަކުގެ އިތުރުން އެކަމާ ގުޅޭ ކަންތައްތައް ދަރިވަރުންނަށް ހަމަލޮލަށް ފެނުމަކީ ވަރަށް ބޭނުންތެރި ކަމެއް ކަމަށާއި އެގޮތުން މިދަތުރުން އެ ހުރިހާ ކަމެއް ދަރިވަރުންނަށް ހާސިލްވެގެން ގޮސްފައިވާ ކަމަށެވެ.
އިއްޔެ ކުރި މި ދަތުރުގައި ދަރިވަރުން ވަނީ ހަނިމާދޫ އިންޓަރނޭޝަނަލް އެއާޕޯޓަށާއި އެގްރިކަލްޗަރ ސެންޓަރުގެ އިތުރުން ހަނިމާދޫގައި ޤާއިމުކުރެވިފައިވާ މޫސުމާބެހޭ އިދާރާއަށް ޒިޔާރަތްކޮށް އެތަންތަނުން ކުރަމުންދާ މަސައްކަތްތައް ބަލާލާ އެކަންކަމާބެހޭ މައުލޫމާތު ހޯދާފަ އެވެ.
މިދަތުރުގައި އެ ސްކޫލުގެ ގްރޭޑް ފަހެއްގެ ޓީޗަރުންނާއި ލީޑިން ޓީޗަރުގެ އިތުރުން ބައެއް ބެލެނިވެރިންވެސް ވަނީ ބައިވެރިވެފަ އެވެ.
މި ދަތުރުގައި އަފީފުއްދީން ސްކޫލުގެ ގްރޭޑް ފަހެއްގެ 43 ދަރިވަރަކު ވަނީ ބައިވެރިވެފަ އެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
