ޤައުމީ ޔުނިވަރސިޓީގެ ފަހިދުވަސް އޮކްޓޯބަރ ފުރަތަމަ ހަފްތާގައި ކުޅުދުއްފުށީގައި

ޤައުމީ ޔުނިވަރސިޓީގެ ފަހިދުވަސް އަންނަ އޮކްޓޯބަރުމަހުގެ 4 އަދި 5 ގައި ކުޅުދުއްފުށީގައި އޮންނާނެ އެވެ.

2014 ވަނަ އަހަރުގެ ޖެނުއަރީގައި ކުރިއަށް ގެންދާނެ ކޯސްތަކާ ބެހޭ މައުލޫމާތު ފޯރުކޮށްދީ، ދަރިވަރުން ކުރިއަށްދާނެ ދާއިރާއެއް ޚިޔާރުކުރުމަށް އެހީތެރިވެދީ، ސެޓްފިކެޓްތައް ހިލޭ އެޓެސްޓްކޮށް އެޕްލިކޭޝަން ފޯމް ފުރުމާއި  ބަލައިގަތުން ވެސް މިދުވަހުގައި ކުރިއަށްދާނެ ކަމަށް ޤައުމީ ޔުނިވަރސިޓީ އިން ބުނެއެވެ.

ހަތަރެއްވާ ހުކުރު ދުވަހުގެ ހަވީރު 4 އިން 6 އަށް އަދި ރޭގަނޑު 8 އިން 10:30 އަށް  ފަހިދުވަސް ކުރިއަށްދާއިރު ހޮނިހިރު ދުވަހުގެ ހެނދުނު 9 އިން 12 އަށާއި މެންދުރު 2 އިން ހަވީރު 6 އަށް މިދުވަސް ކުރިއަށްދާނެ އެވެ.

ކުރިއަށް އޮތް އަހަރު ޔުނިވަރސިޓީގެ ކެމްޕަސްތަކުން ހިންގާ ކޯސްތަކާބެހޭ މައުލޫމާތު ފޯރުކޮށްދިނުމަށް ކޮންމެ އަހަރަކު ވެސް މިފަދަ އޯޕަން ޑޭ އެއް ޔުނިވަރސިޓީ އިން ހިންގަ އެވެ.