އަންނަ އަހަރު ވިލާކޮލެޖުން ފެށުމަށް ހަމަޖެހިފައިވާ ކޯސްތަކުގައި ބައިވެރިވުމުގެ ފުރުސަތު ހުޅުވާލައިފި

ވިލާ ކޮލެޖުގައި 2014 ވަނަ އަހަރު ހިންގުމަށް ހަމަޖެހިފައިވާ ކޯސްތަކުގައި ބައިވެރިވުމުގެ ފުރަސަތު ހުޅުވާލައިފި އެވެ

މި ގޮތުން ހުޅުވާލި ފުރުސަތުގައި އިންފޮރމޭޝަން ޓެކްނޮލޮޖީ އާއި ބިޒްނަސް މެނޭޖްމަންޓާއި ކިޔަވައިދިނުމާއި އެޑިއުކޭޝަންގެ އިތުރުންޝަރީޢާ އާއި ހިއުމަން ރިސޯސަސް އަދި އެކައުންޓިންގ ދާއިރާއިން ޖުމްލަ 31 ކޯހެއްގައި ބައިވެރިވުމުގެ ފުރުސަތު ވަނީ ހުޅުވާލައިފަ އެވެ.

މާސްޓަރސް ފެންވަރުގެ 4 ކޯހަކާއި، ޑިގްރީ ފެންވަރުގެ 10 ކޯހަކާއި ފައުންޑޭޝަން ފެންވަރުގެ 9 ކޯހެއްގެ އިތުރުން ސެޓްފިކެޓް 3 ފެންވަރުގެ 6 ކޯހެއް އަންނަ އަހަރު  ފެށުމަށް ވިލާއިން ވަނީ ނިންމާފައެވެ. އަދި ޕްރޮފެޝަނަލް އެކައުންޓިން ކޯހެއް ކަމަށް ވާ އޭ.ސީ.ސީ.އޭ ގެ ކޯސްތަކުގައި ބަރިވެރިވުމުގެ ފުރުސަތުވެސް ހުޅުވާލާފައިވާނޭ ކަަމަށް އެކޮލެޖުން މައުލޫމާތު ދެއެވެ.

މާލޭގައި ހުންނަ ވިލާގެ ކިއު.އައި ކެމްޕަހުގެ އިތުރުން އަތޮޅުތެރޭގައި ހުޅުފައިވާ 5 ކެމްޕަހުގައި ވެސް ތަފާތު ކޯސްތައް ޖެނުއަރީ މަހު ފެށުމަށްހަމަޖެހިފައިވާ ކަމަށް ވިލާއިން ހާމަކުރެއެވެ. ރާއްޖޭގައި ތިބެގެން މަތީ ތައުލީމު ހޯދުމުގެ ފުރުސަތު ދަރިވަރުންނަށް ދިނުމުގެ މަގުސަދުގައި ހިންގާ ވިލާ ކޮލެޖުގެ ތަފާތު ކޯސްތަކަށް ކިޔަވައިދެއްވުމަށް ޖުމްލަ 119 ލެކްޗަރަރ އިން އުޅުއްވާކަމަށްވެސް އެކޮލެޖުން ހާމަކުރެއެެވެ.

ވިލާގެ ކޯސްތަކުގައި ބައިވެރިވާން އެދޭ ފަރާތްތަކުން 1 ޑިސެމްބަރ 2013 ގެ ކުރިން ކޯހުގައި ބައިވެރިވުމަށްއެދޭ ފޯމް ފުރުމަށްފަހު ހުށައަޅަން ޖެހޭނެ ކަމަށްވެސް އެކޮލެޖުން މައުލޫމާތު ދެ އެވެ.