އައިޕީއެސްގެ ޔޫކޭޖީ ދަރިވަރުންގެ ޔޫކޭޖީ ކޭމްޕް ބާއްވައިފި

ހދ ކުޅުދުއްފުށީ އިރުމަތި އަވަށު ޕްރީސްކޫލުގައި ޔޫކޭޖީ ދަރިވަރުންގެ ހާއްސަ “ޔޫކޭޖީ ކޭމްޕް” އިއްޔެ ބާއްވައިފި އެވެ.

މިކޭމްޕް ނިންމުމުގެ ގޮތުން އިއްޔެ ހަވީރު އެސްކޫލު ގޯތިތެރޭގައި ބޭއްވި ހަފްލާގައި ވާހަކަ ދައްކަވަމުން އެސްކޫލު ހިންގެވުމާ ހަވާލުވެހުންނެވި ޝަމީމާ ހުސެއިން ވިދާޅުވީ  މިކޭމްޕްގެ ސަބަބުން ދަރިވަރުންނަން ލިބިފައިވާ އަމިއްލަ ވަންތަ ހުނަރު ހުށައަޅާލުމުގެ ފުރުސަތު ދަރިވަރުންނަން ލިބިގެން ދިޔަ ކަމަށާއި ދަރިވަރުންނަކީ ވަރަށް ވިސްނުންތޫނު ކަންތައް ކުރުމަށް ގާބިލް ކުދިން ތަކެއް ކަމަށް އޭނާ ވިދާޅުވި އެވެ.

ޝަމީމާ ވިދާޅުވީ ސްކޫލުން ދަރިވަރުން ދަސްކޮށް ކޮށްދޭ އެއްޗެހީގެ ބޭނުން ކޭމްޕްގައި ހިފާފައިވާތީ، ކޭމްޕުގެ މަގުޞަދު ވަރަށް ބޮޑަށް ހާސިލް ކުރެވިފައިވާ ކަމަށެވެ. އެހެންނަމަވެސް ދަރިވަރުން ގެ ކިބައިގައި މިސްކިތްތަކަށް ހުންނަ ލޯތްބާއި ނަމާދުގެ މުހިއްމުކަން ނެތް ކަން ފާހަގަ ކުރައްވަމުން ޝަމީމާ ވިދާޅުވީ ނަމާދުގެ މުހިއްމު ކަމާއި ނަމާދުގައި ހުންނަ އިރު މަޑުމައިތިރިކަން އިސްކުރުން ފަދަ ކަންތައްތައް ދަރިވަރުންނަށް ވިސްނާދިނުމަށް ބެލެނިވެރިންގެ ކިބައިން އޭނާ އެދިވަޑައިގެންނެވި އެވެ

މިކޭމްޕުގައި ބައިވެރިވި ދަރިވަރުންނަށް ހަނދާނީ ލިޔުން ހަވާލު ކޮށްދެއްވީ އައިޕީއެސްގެ ޕީޓީއޭގެ ނައިބު ރައީސް މުހައްމަދު ގާސިމެވެ.

އިއްޔެގެ ފަތިހު 5 އިން ހަވީރު 5 އަށް ކުރިއަށް ދިޔަ މިކޭމްޕްގައި ދަރިވަރުން ވަނީ ސްކޫލު ތެރޭގައި ތަފާތު ހަރަކާތްތައް ކުރިއަށް ގެންގޮސްފަ އެވެ. 55 ކުދިން ބައިވެރިވި ކޭމްޕްގައި ދަރިވަރުން ވަނީ ޓީޝާޓްގައި އަމިއްލަ އަށް ތައްގަނޑު ޖަހާފަ އެވެ. އަދި ތަފާތު މަސައްކަތްތައް ކުރާ ގޮތް ވަނީ ދަސްކޮށްފަ އެވެ.

މިކޭމްޕް ކުރިއަށްދިޔަ ވަގުތު ބެލެނިވެރިން ކިބައިން ލިބިގެންދިޔަ އެއްބާރުލުން ފާހަގަކޮށް ސްކޫލު މެނޭޖުމެންޓުން އެފަރާތްތަކަށް ޝުކުރު އަދާކުރި އެވެ.

[yass cats=44]

އިތުރު ފޮޓޯތައް ކުޅުދުއްފުށި އޮންލައިން ފޭސްބުކް ޕޭޖްގައި. ފޮޓޯ ޕްރިންޓް ބައްލަވައި ގަތުމަށް އަޅުގަނޑުމެންގެ ނަންބަރަށް ގުޅުއްވާ