އެސްޓީއޯއިން ރޯދަމަހު ބޭއްވި 4 ޕްރޮމޯޝަނެއްގެ ނަސީބުވެރިން ހޮވައިފި

ސްޓޭޓް ޓްރޭޑިންގ އޮގަނައިޒޭޝަން(އެސްޓީއޯ) އިން މިއަހަރުގެ ރަމަޟާންމަހު ބޭއްވި 4 ޕްރޮމޯޝަނެއްގެ ނަސީބުވެރިން ހޮވައިފި އެވެ.

އެސްޓީއޯއިން ރޯދަމަހު ކުރިއަށް ގެންދިޔަ ޕްރޮމޯޝަންތަކުގެ ތެރެއިން  “ހެއްޔާ މަކިޓާ” ޕްރޮމޯޝަންގެ އެއްވަނަ އިނާމެއްގެ ގޮތުން ކަނޑައެޅިފައިވާ 20،000ރ. ގެ މަކިޓާ ސާމާނު ލިބުނީ ޒަހީން އަށެވެ. ދެވަނަ އިނާމަށް ހުށަހެޅި މަކިޓާ ބައިސްކަލް  މުހައްމަދު މުހްތާރަށް ލިބިފައިވާއިރު ތިންވަނަ އިނާމު ކަމަށްވާ މަކިޓާ ޑްރިލް އާއި ސޭންޑާ ލިބުނީ އިބްރާހިމް ހަސަން އަށެވެ.

އެސްޓީއޯ ހިޓާޗީ މެގަ ޕްރޮމޯޝަންގެ އެއްވަނަ އިނާމަށް ހުށަހަޅާފައިވާ ދެ މީހަކަށް އުމްރާ ދަތުރު ލިބުނީ އިބްރާހިމް ނާޒިމަށް ލިބުނުއިރު ދެވަނަ އިނާމު ކަމަށްވާ 15،000ރ. ގެ ލިބުނީ ބިދޭސީއެއް ކަމަށްވާ އުދޭ ޕެރާރާ އަށެވެ. އަދި ތިންވަނަ އިނާމަކަށް ހުށަހަޅާފައިވާ 10،000ރ. ގެ އިނާމު ލިބުނީ ރިފްގާ ރިފާއު އަށެވެ.

މީގެއިތުތުން “ފިލިޕްސް ޔޯ ރޯދަ ޕްރޮމޯޝަން” ގެ އެއްވަނަ އިނާމު، 120،000ރ. ގެ ފިލިޕްސް ސާމާނާއި ސަން ފްރަންޓުން ހުށަހެޅި ކިޗަން ސިސްޓަމް ލިބުނީ އާސިޔަތު ސައީދަށެވެ. ދެވަނަ އިނާމެއްގެ ގޮތުން ކަނޑައެޅިފައިވާ  ބައިލައްކަ ރުފިޔާގެ ފިލިޕްސް ޕެކޭޖު ލިބުނީ އާރިލް އަލީ އަށެވެ. އަދި ތިން ވަނަ އިނާމަކަށް ހުށަހެޅި 10،000ރ. ގެ ގިފްޓް ވައުޗާ ލިބުނީ ޝިބާހު އަށެވެ.

މި ޕްރޮމޯޝަންގެ އިތުރުން ރޯދަ މަހު އެންމެ ފުޅާ ދާއިރާއެއްގައި ކުރިއަށް ގެންދިޔަ “ރަމަޟާން ބާޒާރު” ގެ އެއްވަނަ އިނާމަކަށް ހުށަހެޅި ހިޓާޗީ އާއި ފިލިޕްސްގެ ޕްރޮޑަކްޓްތައް ހިމެނޭ 100،000ރ. ގެ އަގު ހުރި އިނާމު ފާތުމަތު އަހުދާ އަށް ލިބިފައިވާއިރު ދެވަނަ އިނާމަކަށް ހުށަހަޅާފައިވާ 60،000ރ. ގެ ގިފްޓް ވައުޗާ ލިބިފައިވަނީ އަބްދުއް ރަޝީދު އަށެވެ. އަދި ތިން ވަނަ އިނާމު ކަމަށްވާ 30،000ރ. ގެ ގިފްޓް ވައުޗާ ލިބުނީ ހަސަން އަށް ކަމަށް އެސްޓީއޯ އިން މައުލޫމާތުދެއެވެ.

މި އިނާމުތަކުގެ އިތުރުން ހަތް އިނާމެއް ހޮވައި އެއިން ކޮންމެ ފަރާތަކަށް ވެސް 10،000ރ. ގެ ގިފްޓް ވައުޗަރެއްދީފައިވާ ކަމަށްވެސް އެސްޓީއޯ އިން ހާމަކުރެއެވެ.