ދިރާގު އައިޑީޑީ މެދުވެރިކޮށް ސައުދީ އަރަބިއްޔާއަށް ހެޔޮއަގުގައި ގުޅާލެވޭ ޕްރޮމޯޝަނެއް ފަށައިފި

ހައްޖުމަހާއި ދިމާކޮށް ދިރާގު އައިޑީޑީ 019 މެދުވެރިކޮށް ސައުދީ އަރަބިއްޔާއަށް ހެޔޮއަގުގައި ގުޅާލެވޭ ޕްރޮމޯޝަނެއް ފަށައިފި އެވެ.

ދިރާގު ބަޖެޓު އައިޑީޑީ މެދުވެރިކޮށް ސައޫދީ އަރަބިއްޔާއަށް އެންމެ 1.89 ރުފިޔާއަށް ގުޅާލެވޭ މި ޕްރޮމޯޝަނުގައި 019 ޖެހުމަށްފަހު ސައޫދީ އަރަބިއްޔާގެ ކޯޑު ޖެހުމުންގުޅާލަން ބޭނުންވާ ފަރާތަށް ގުޅޭނެ ކަމަށް ދިރާގުން ހާމަކުރެއެވެ.

ކޮންމެ އަހަރަކުވެސް ހައްޖުމަހުގެ އަޅުކަމަށް ވަޑައިގެން އުޅުއްވާ ހައްޖުވެރިންނަށް ހެޔޮއަގުގައި ގުޅާލެވޭން ޕްރޮމޯޝަންތައް ދިރާގުން ކުރިއަށް ގެންދެއެވެ.

މި ޕްރޮމޯޝަން މިމަހުގެ 31 ގެ ނިޔަލަށް ކުރިއަށްދާނެ ކަމަށް ދިރާގުން މައުލޫމާތު ދެއެވެ.