ވައިކަރަދޫގައި ކުޑަކުއްޖަކާ ގަދަކަމުން ބަދުއަހުލާގީ އަމަލު ހިންގި ކަމުގެ ތުހުމަތުގައި މީހަކު ހައްޔަރުކޮށްފި

ހދ. ވައިކަރަދޫގައި ކުޑަ އަންހެން ކުއްޖަކާ ގަދަކަމުން ބަދުއަހުލާޤީ އަމަލު ހިންގިކަމުގެ ތުހުމަތުގައި މީހާކު ހައްޔަރުކޮށްފި އެވެ.

ހދ ފެމިލީ އެންޑް ޗިލްޑްރަންސް ސާރވިސް ސެންޓަރުން ފުލުހުންނަށް ހުށަހެޅި މި މައްސަލައާ ގުޅިގެން ހައްޔަރު ކޮށްފައިވަނީ އުމުރުން 45 އަހަރު މީހެކެވެ.

ފުލުހުން މައުލޫމާތު ދޭ ގޮތުގައި މި މީހާ ހައްޔަރުކޮށްފައިވަނީ ކޯޓު އަމުރެއްގެ ދަށުން މި މަހުގެ ދެވަނަ ދުވަހު އެވެ.

ވައިކަރަދޫއިން ހައްޔަރުކުރި މީހާގެ ބަންދުގެ މުއްދަތަށް ކުޅުދުއްފުށީ މެޖިސްޓްރޭޓް ކޯޓުން ވަނީ 15 ދުވަސް ޖަހައި ދީފައެވެ.

މި މައްސަލަ ކުޅުދުއްފުށި ޕޮލިސް ސްޓޭޝަނުން މިހާރު ތަހުގީގު ކުރަމުން އަންނަ ކަމަށް ފުލުހުން ބުންޏެވެ.