ކުޅުދުއްފުށި ޕެޓްރޯލު ކުރަމުންދިޔަ ފުލުހުންގެ ސައިކަލަކާއި އިތުރު ސައިކަލެއްޖެހި އެކްސިޑެންޓެއް ހިނގައިފި

ކުޅުދުއްފުށި ޕެޓްރޯލު ކުރަމުންދިޔަ ފުލުހުންގެ ސައިކަލަކާއި އިތުރު ސައިކަލެއް ޖެހި މިރޭ އެކްސިޑެންޓެއް ހިނގައިފި އެވެ.

މިރޭ 9 ޖަހާ އެހާއިރު ހިނގި މި އެކްސިޑެންޓު ހިނގާފައިވަނީ ކުޅުދުއްފުށީ ބަންޑާރަމަގަށް ވާގޮތަށް “ވަފާ” ފިހާރަ ކައިރީގައި އެވެ.

މަންޒަރު ދުށް މީހަކު މި ނޫހަށް މައުލޫމާތު ދެމުން ބުނީ ފުލުހުން ތިބި ސައިކަލް ނޫން އަނެއް ސައިކަލް އައީ ބާރު ސްޕީޑުގައި ކަމަށާއި 2 ސައިކަލު ޖެހުމުން ދެ ސައިކަލުގަ ތިބި 4 މީހުން ވެސް ބިންމައްޗަށް ވެއްޓުނު ކަމަށެވެ.

އެކްސިޑެންޓްވގައި އަނިޔާވި މީހުންނަށް ބޭރުފުށުން ބޮޑެތި އަނިޔާ ތަކެއް ލިބިފައި ނުވިކަމުގައި ވިޔަސް ކުދި ޒަހަމްތަކެއް މޫނު މަތިން ފެންނަ ހުއްޓެވެ. އެގޮތުން ނޭފަތް މައްޗާއި ގައިގެ އެކި ތަންތަން މަށައިގެން ގޮސްފައި ވެއެވެ. އެކްސިޑެންޓުގައި އަނިޔާވި މީހުންނަން ކުޅުދުއްފުށީ ހޮސްޕިޓަލުގައި މިހާރު އަންނަނީ ފަރުވާ ދެމުންނެވެ.

މި އެކްސިޑެންޓާ ގުޅޭގޮތުން ފުލުހުންގެ ބަހެއް އަދި ލިބޭގޮތް ވަނީ ނުވެފައެވެ.