ސަތޭކަ ޑޮލަރުގެ އާ ނޫޓެއް ނެރެފި

ވަރުގަދަ ސަލާމަތީ  ކަންތައްތަކާއެކު ސަތޭކަ ޑޮލަރުގެ އާ ނޫޓު އެމެރިކާގައި ނެރެފި އެވެ.

އެމެރިކާގެ މަރުކަޒީ ބޭންކު  ފެޑެރަލް ރިޒާވުން ދައުރުވާ ފައިސާގެ ތެރެއަށް ނެރުނު މި އާ ނޫޓުގައި މުޅިން އަލަށް ހިމަނާފައި ވަނީ ނޫޓުގެ ކަނާތް ފަރާތަށް ވާގޮތަށް ހިމަނާފައިވާ ދެލި ފުޅިއަކާއި އެ ފުޅީގެ އެތެރެއަށް ވާގޮތަށް ކުރަހާފައިވާ ރަނގަބީލަކާއި ގަލަމުގެ ގޮތުގައި ކުރީ ޒަމާނުގައި ބޭނުން ކުރަމުން އައި ދޫންޏެއްގެ ފަތާއި ނޫޓުގެ މެދުގައިވާ ތްރީޑީ ރިބަނެކެވެ.

ވަގު ޑޮލަރު ހެދުން ހުއްޓުވުމަށް ފެޑަރަލް ރިޒާވުން އެޅި އެ ފިޔަވަޅާ ބެހޭ ގޮތުން އެ ބޭންކުން ބުނީ އާ ނޫޓުގައި ހިމަނާފައިވާ ސަލާމަތީ ކަންތައްތައް ނަކަލު ކުރުމަކީ ވަރަށް އުނދަގޫ ކަމެއް ކަމަށެވެ

ކުރީގެ 100 ޑޮލަރުގައި ހިމެނޭ ސަލާމަތީ  އަލްޓްރާ ވައިލެޓް ލައިޓަށް ދިއްލޭ ޕޯޓްރެއިޓް ވޯޓާ މާކާއި ސަލާމަތީ ރޮދިފަށް ވެސް އާ ނޫޓުގައި ވަނީ ހިމަނައިފަ އެވެ. އެތައް އަހަރުތަކެއްގެ ދިރާސާއަށް ފަހު ނެރުނު މި އާ ނޫޓަކީ ވަގު ޑޮލަރު ޖެހުން ހުއްޓުވުމަށް އެޅުނު ރަގަޅު ފިޔަވަޅެއް ކަމަށާއި އާ ނޫޓުގައި ހުރި ސަލާމަތީ ކަންތައްތައް ނަކަލު ކުރުމަކީ  ވަރަށް އުނގަދޫ ވާނެ ކަމެއް ކަމަށް އެބޭންކުން ވަނީ ބުނެފައެވެ.

އެމެރިކާގެ ތަފާސް ހިސާބު ދައްކާގޮތުގައި މިދިޔަ އަހަރު އެކަނި ވެސް 80  މިލިއަން އަށް ވުރެ ގިނަ ވަގު ޑޮލަރު ވަނީ  ހަމަ އެކަނި އެމެރިކާ އިން ވެސް އަތުލަގަނެފަ އެވެ.

މިފަހަރު އަލަަށް ނެރުނު މި އާ ނޫޓުގައި  ޕްރިންޓިން ކޮލިޓީ  ވަނީ މިހާރުގެ ނޫޓަށް ވުރެ އެތައް ތަނެއް ރަނގަޅުކޮށްފައި ކަމަށާއި  އަދި ސަލާމަތީ ފިޔަވަޅެއްގެ ގޮތުން ހަމަ ލޮލަށް ނުފެންނަ ވަރުގެ މައިކްރޯ ނަމްބަރުތަކެއް ނޫޓުގެ ޕްރިންޓިންގައި ހިމަނާފައިވާ ކަމަށް ވެސް އެމެރިކާގެ މައި  ބޭންކުން ވަނީ ހާމަ ކޮށްފައެވެ. — ބީބީސީ