ކުޅުދުއްފުށިން ފުރައިގެން މާލެއަށް ދަތުރުކުރި ބާދުޝާހު ބޯޓަށް ދިމާވި މައްސަލައަކާގުޅިގެން އިންޖީނު ނިއްވާލާފަ ކަނޑުމަތީގައި!
މިއަދު ހަވީރު ކުޅުދުއްފުށިން ފުރައިގެން މާލެއަށް ދަތުރުކުރި ކުޅުދުއްފުށީ ބާދުޝާހު ބޯޓުގެ ފިއުލް ޕަންޕަށް ގުޅާފަ އިން ހޮޅިއެއް ބިންދައިގެން ދިއުމުގެ ސަބަބުން އިންޖީނު ހުއްޓާލައިފި އެވެ.
ބާދުޝާހު ބޯޓުން ވާހަކަ ދެއްކި މީހަކު މި ނޫހަށް މައުލޫމާތު ދެމުން ބުނީ މިރޭ ގާތްގަނޑަކަށް 8 ޖަހާހާއިރު އެ ބޯޓުގެ ފިއުލް ޕަންޕަށް ގުޅާފައިން ޑީސަލް ހޮޅިއެއް ބިންދައިގެން ދިއުމުގެ ސަބަބުން އިންޖީނު ނިއްވާލީ ކަމަށެވެ. ކުޅުދުއްފުށިން ފުރައިގެން ނ. އަތޮޅަށް ވަންނަން އުޅެނިކޮށް ދިމާވި މި ހާދިސާގައި ބޯޓު ހުއްޓާލާފަ އޮތްއިރު މިހާރު މަސައްކަތްކުރަމުންދަނީ ބިންދައިގެން ދިޔަ ހޮޅި ރަނގަޅުކުރުމަށްފަހު އަލުން ދަތުރު ފެށޭތޯ ކަމަށް ވެސް އޭނާ ބުންޏެވެ.
“ފުރަތަމަ މި ބަލަނީ ރަށަށް (ކުޅުދުއްފުއްޓަށް) ނުގޮސް ކަނޑުމަތީގަ ބާއްވައިގެން ހެދޭތޯ. މިހާރު އިންޖިނިއަރަކާއި ބޯޓުގެ އޯނަރު ރަށުން ފުރައިފި މި ބޯޓަށް އަންނަން.” ބޯޓުގެ ފަޅުވެރިއަކު ބުންޏެވެ.
އިންޖީނަށް ޑީސަލް ފޯރުކޮށްދިނުމަށް އިން ހޮޅި ބިންދައިގެން ދިޔަ ސަބަބެއް ނޭގޭއިރު ބޯޓުގައި 135 މީހުން ދަތުރުކުރަމުންދާ ކަމަށް މައުލޫމާތު ލިބެއެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
