ބަންކީ މޫނަށް ދެ އަހަރު ވަންދެން ސްޕީޗް ތައްޔާރުކޮށްދިން މީހާ އިތުރު ވަޒީފާއެއް ނުލިބި ބިކަވެފައި

އދ ގެ ސެކެޓްރީ ޖެނެރަލް ބަންކީ މޫނަށް ދެ އަހަރު ވަންދެން ސްޕީޗް ތައްޔާރުކޮށްދިން މީހާ، 500 އަށް ވުރެ ގިނަ ވަޒީފާއަށް ކުރިމަތިލީއިރުވެސް ވަޒީފާއެއް ނުލިބުންކަމަށް އޭނާ ބުނެފި އެވެ.

އާދަމް ޕިޓު ނަމަކަށް ކިޔާ އުމުރުން އެންމެ 29 އަހަރުގެ އާދަމް އަންބަކާއި ދަރިއަކު ގޮވައިގެން އުޅެމުންދާއިރު އޭނާ ވަނީ ވަޒީފާއެއް ލިބޭތޯ ތަފާތު ގިނަ މަސައްކަތްތަކެއް ކޮށްފަ އެވެ. މިގޮތުން ކުދި އަދި ބޮޑެތި ކުންފުނިތަކުގެ ވަޒީފާއަށް އޭނާ ވަނީ ކުރިމަތިލާފަ އެވެ. ކުދި ކުންފުނިތަކުން އާދަމް އަކީ ވަޒީފާއަށް “އޯވަރ ކޮލިފައިޑް” މީހެއް ކަމަށް ބުނާއިރު ބޮޑެތި ކުންފުނިތަކުން އޭނާއަށް ވަޒީފާ ހަމަޖައްސައިނުދެނީ އޭނާ “އަންޑަރ އެކްސްޕީރިއެންސްޑް” ކަމަށް ބުނެ އެވެ.

ޗައިނާގެ ވެރިރަށް ބެއިޖިންގައި ހުންނަ އދ ގެ މަރުކަޒުގައި އެތަނުގެ ސްޕީޗް ތައްޔާރުކޮށްދިނުމުގައި ދެ އަހަރު ހޭދަވިއިރު އޭނާއަށް ވަޒީފާއެއް ލިބިދާނެ ކަމާމެދު ވަނީ އުއްމީދު ގެއްލިފައެވެ. އިނގިރޭސި ވިލާތުގެ ޗަޑެސްޑެން ޑާބީޝަޔަރ އަށް އުފަން އާދަމް އަށް މިހާތަނަށް ކިޔާފައިވަނީ އެންމެ 5 އިންޓަވިއު އަށެވެ. އެހެން ކަމުން ކުންފުނިތަކުން އޭނާއާމެދު ޝައުގުވެރިކަން ނުހުންނަނީ ކަމަށް އޭނާ ގަބޫލުކުރެއެވެ.

ޔުނިވަރސިޓީ އޮފް ޑާބީގައި އިންޓަރނޭޝަނަލް ރިލޭޝަންސް ކިޔެވުމަށްފަހު އާދަމް 2010 ވަނަ އަހަރު ވަނީ އޭނާގެ ދިރިއުޅުން ޗައިނާއަށް ބަދަލުކޮށްފަ އެވެ. މިފިޔަވަޅަކީ މާކެޓިންގެ ރޮނގުން ކުރިއަށް ދިޔުމާއި އިނގިރޭސި ކިޔެވައިދިނުމުގެ ގޮތުން އެޅި ފިޔަވަޅެއް ނަމަވެސް އެންމެ ފަހުން އޭނާ ވެފައިވަނީ “ސްޕީޗް ރައިޓަރަކަށެވެ”.

މިގޮތުން ބަންކީ މޫނަށް ސްޕީޗް ތައްޔާރުކޮށްދިނުމަކީ ޝައުގުވެރި ކަމެއް ކަމަށާއި ޖުމްލައެއްގައި ދިހަ ބަހަށްވުރެ ގިނަ ބަސް ހުރެއްޖެ ނަމަ ބަން އަން ކަމުނުދާކަން އާދަމް ފާހަގަ ކުރިއެވެ. އާދަމްގެ ސްޕީޗް ތަކުގެ ތެރެއިން ދެމެހެއްޓެނިވިގޮތެއްގައި ޗައިނާ ތަރައްޤީކޮށް އދ އާއި ޗައިނާގެ ގުޅުންތައް ވަރުގަދަކުރުމަށް ތައްޔާރުކުރި ސްޕީޗަކީ އޭނާއަށް ވަރަށް ފާހަގަކުރެވޭ ސްޕީޗެއް ކަމަށްވެ އެވެ.

ރިއޯގެ އިތުރުން 20 ސޯޝަލް މީޑިޔާއެއްގައި ދުނިޔޭގެ އެތައް މިލިޔަން ބަޔަކަށް އަމާޒުކޮށްގެން ކެމްޕޭންތައް ހިންގަމުންގެންދާ އާދަމްގެ 25 އަހަރުގެ އަނބިމީހާ، ކާރލާ އާއި އެއް އަހަރަށްދާ ދަރިފުޅު، ޖެކޮބް އާއެކު މިއަހަރުގެ ޖެނުއަރީގައި ވަނީ ޑާބީއަށް އަލުން ހިޖުރަކޮށްފަ އެވެ. އާދަމްގެ އަނބިމީހާ ދެވަނަ ދަރިފުޅަށް ބަލިވެ އިންއިރު ވަޒީފާއެއް ނެތުމަކީ އެކުޑަކުޑަ އާއިލާއަށް ދިމާވެފައިވާ އެންމެ ބޮޑު ގޮންޖެހުމެވެ. -ޑެއިލީ މެއިލް-