އެމްޑީޕީގެ “ވޯޓުން އުފާވެރިކަން” ކެމްޕެއިން އިފްތިތާހު ކޮށްދެއްވުމަށްޓަކައި ރައީސް ނަޝީދު ކުޅުދުއްފުއްޓަށް ވަޑައިގަންނަވަނީ

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ “ވޯޓުން އުފާވެރިކަން” ކެމްޕެއިން ކުޅުދުއްފުށީގައި އިފްތިތާހު ކޮށްދެއްވުމަށްޓަކައި އެމްޑީޕީގެ ރިޔާސީ ކެންޑިޑޭޓް އަދި ކުރީ ރައީސް މުހައްމަދު ނަޝީދު މާދަމާ ކުޅުދުއްފުއްޓަށް ވަޑައިގަންނަވާނެ ކަމަށް އެ ޕާޓީން ބުނެފި އެވެ.

އެމްޑީޕީން މި ނޫހަށް މައުލޫމާތު ދެމުން ބުނީ މާދަމާ ރައީސް ނަޝީދު ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ ހަވީރު 4 ޖަހާއިރު އުތުރު ބަންދަރަށް ކަމަށާއި އެމްޑީޕީގެ “ވޯޓުން އުފާވެރިކަން” ކެމްޕެއިން އިފްތިތާހް ކުރެވުން އޮންނާނީ ބަންޑާރަ މައިދާނުގައި މާދަމާ ހަވީރު ކަމަށެވެ.

ކުޅުދުއްފުށީގެ އިތުރުން ރާއްޖޭގެ 21 ސަރައްހަދެއްގައި އާއި ރާއްޖެއިން ބޭރުގެ ދެ ގައުމެއްގައި މި ކެމްޕެއިން މާދަމާ ހަމަ އެއް ވަގުތެއް ގައި އިފްތިތާހް ކުރުމަށް ވަނީ ހަމަޖެހިފައިވެ އެވެ.

މާދަމާ މި ކެމްޕެއިން އިފްތިތާޙްކުރުމަށް ކަނޑައަޅާފައިވާ ރަށްތަކަކީ ހއ. ދިއްދޫ، ށ. ކޮމަންޑޫ، ނ. މަނަދޫ، ރ. އިންނަމާދޫ، ބ. އޭދަފުށި، ޅ. ހިންނަވަރު، ކ. މާފުށި، އއ. ފެރިދޫ، އދ. މަހިބަދޫ، ވ. ކެޔޮދޫ، މ. މުލައް، ފ. ފީއަލި، ދ. ބަނޑިދޫ، ތ. ކިނބިދޫ، ލ. ގަން، ގއ. ވިލިނގިލި، ގދ. ތިނަދޫ، ޏ. ފުވައްމުލައް، އައްޑޫސިޓީ. ފޭދު، މާލެސިޓީ، އިންޑިއާގެ ޓްރިވެންޑްރަމް އަދި މެލޭޝިޔާގައެވެ.

ރައީސް ނަޝީދަކީ މި ފަހަރުގެ އިންތިހާބުގައި އެންމެ ގިނައިން ކުޅުދުއްފުއްޓަށް ވަޑައިގެންނެވި ކެންޑިޑޭޓުކަން ފާހަގަ ކޮށްލެވެއެވެ.