އަލިނަރުގެ ކުޅިވަރުތަކާއި ހަވާ އެރުވުން މިރޭ ފެށޭނެ: އެމްއެންޑީއެފް

އެމްއެންޑީއެފް އާއި ހދ އަތޮޅު ކައުންސިލާއި ކުޅުދުއްފުށީ ކައުންސިލް ގުޅިގެން މި އަހަރުގެ ނަސްރުގެ ދުވަސް ކުލަގަދަ ގޮތެއްގައި ކުޅުދުއްފުށީގައި ފާހަގަ ކުރުމަށް ހަމަޖެހިފައިވާ އިރު، ދުވަހުގެ ހަރަކާތްތައް މިރެއިން ފެށިގެން ކުޅުދުއްފުށީގައި ކުރިއަށްދާނެ ކަމަށް އެމްއެންޑީއެފް ނޯދަން އޭރިޔާއިން ބުނެފި އެވެ.

އެގޮތުން މިއަދު އިރުއޮއްސި 6:15 އިން 7:15 އަށް ކުޑަކުދިންނަން ހާއްސަ ކޮށްގެން އަލިނަރުގެ ކުޅިވަރުތައް ދައްކުވައިދޭ ޝޯއެއް ކުޅުދުއްފުށީގައި ހުންނަ އެމްއެންޑީއެފް ގެ ފަޔަރ ބިލްޑިންގެ ކުރިމަތީގައި ކުރިއަށް ގެންދިއުމަށް ހަމަޖެހިފައިވާ ކަމަށް ނޮދަރ އެރިޔާއިން މައުލޫމާތު ދެއެވެ. އަދި މިރޭ 8:30 ގައި ހަވާ އެރުވުމުގެ ކުޅިވަރުތައް ކުޅުދުއްފުށީ ހިއްކި ބިމުގައި އޮންނާނެ ކަމަށް އެފަރާތުން މައުލޫމާތު ދެއެވެ.

މާދަމާ ފާހަގަ ކުރާ ނަސްރުގެ ދުވަސް ފެށިގެން ދާނީ ފަތިސް ނަމާދަށްފަހު ކުޅުދުއްފުށީގެ ހުކުރު މިސްކިތުގައި ކުރެވޭ ހާއްސަ ދުއާ އަކުން ކަމާށާއި އެއް އަށް ފަހު ހެނދުނު 6 ޖަހާއިރު ދިދަ ނެގުމުގެ ރަސްމިއްޔާތު ކުޅުދުއްފުށީ އެމްއެންޑީއެފް ހެޑްކުއާރޓަރގައި ކުރިއަށްދާނެ ކަމަށް ނޮދަން އެރިޔާގެ ކޮމާންޑަރ ކާނަލް އަބުދުﷲ ޒުހުރީ ވިދާޅުވި އެވެ.

ޒުހުރީ ވިދާޅުވީ މާދަމާ ހަވީރު 4:30 ގައި ކުޅުދުއްފުށީގެ ބޮޑެތި މަގު ތަކުގައި އެމްއެންޑީއެފްގެ ޝަރަފުގެ ހިނގާލުން ކުރިއަށްދާނެ ކަމަށާއި އެދުވަހުގެ ރޭ، ދުވަހާ ގުޅޭ ޚާއްސަ ޖަލްސާ ކުޅުދުއްފުށީ އަފީފުއްދީން ސްކޫލުގައި އޮންނާނެ ކަމަށެވެ.

މި ޖަލްސާގައި 3 ނޮވެމްބަރުގެ ބަތަލް ޝަހީދު ހުސެއިން އާދަމްގެ މަންމާފުޅާއި ބައްޕާފުޅު ބައިވެރިވެ ވަޑައިގަންނަވާނެ ކަމަށާއި އަދި ޝަހީދު ހުސެއިން އާދަމްގެ ޑޮކިއުމެންޓަރީއެއް ދައްކާލުން ކުރިއަށްދާނެ އެވެ.

މާދަމަ ރޭ އަފީފުއްދީން ސްކޫލު ހޯލްގައި ބާއްވާ މިޖަލްސާގައި ސްކޫލު ދަރިވަރުންނާއި ވީހާވެސް ގިނަ ޒުވާނުން ބައިވެރިވުމަށް އެމްއެންޑީއެފް ނޮދަން އެރިޔާއިން އެދިލައްވަ އެވެ.