ރިޔާސީ އިންތިހާބު: ކުޅުދުއްފުށީގައި ބެހެއްޓި ވޯޓް ފޮށިތަކުން ނަޝީދު ކުރި ހޯއްދަވައިފި

މިއަދު ބޭއްވި ރިޔާސީ އިންތިހާބުގައި ކުޅުދުއްފުށީގައި ބެހެއްޓި ހުރިހާ ވޯޓު ފޮއްޓަކުން އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީދު ކުރި ހޯއްދަވައިފި އެވެ.

ނަޝީދަށް ކުޅުދުއްފުށީގެ ބެހެއްޓި 8 ވޯޓު ފޮށިން ވަނީ 1746 ވޯޓު ލިބިފައި އެވެ. އެއީ ވޯޓު ލީމީހުންގެ 42 އިންސައްތަ އެވެ. ކުޅުދުއްފުށިން ދެވަނަ ލިބިފައިވަނީ ޕީޕީއެމްގެ ކެންޑިޑޭޓް އަބްދު ﷲ ޔާމީނަށެވެ. ޔާމީނަށް ލިބިފައިވަނީ 1240 ވޯޓެވެ. އެއީ 30 އިންސައްތަ އެވެ. ޖުމްހޫރީ ގުޅުމުގެ ކެންޑިޑޭޓް ގާސިމް އިބްރާހިމަށް ތިންވަނަ ލިބުނީ 1151 ވޯޓާ އެކު އެވެ. އެއީ 28 އިންސައްތަ އެވެ.

ކުޅުދުއްފުށީގައި މިއަދު ޖުމްލަ 4208 މީހުން ވަނީ ވޯޓުލައިފަ އެވެ. އޭގެ ތެރެއިން ސައްހަ ވޯޓުގެ ގޮތުގައި ބަލާފައިވަނީ 4137 ވޯޓެވެ. 71 ވޯޓު ވަނީ ބާތިލް ވޯޓުގެ ގޮތުގައި ކަނޑައަޅާފައެވެ. ކުޅުދުއްފުށީގައި ވޯޓު ލުމުގެ ހައްގު ލިބިފައިވާ މީހުންގެ ތެރެއިން 81 އިންސައްތަ މީހުން މިއަދު ވަނީ ވޯޓު ލައިފަ އެވެ.

18:25

އިރުމަތީ އަވަށު ޕްރީ ސްކޫލް

ގާސިމް 181

ޔާމީން 171

ނަޝީދު 305

ސައްހަ 657

ބާތިލް 8

ޖުމްލަ 665

18:20

ރިސޯސް ސެންޓަރު

ގާސިމް 128

ޔާމީން 153

ނަޝީދު 178

ސައްހަ 459

ބާތިލް 3

ޖުމްލަ 462

18:05

ޖަލާލުއްދީން ސްކޫލް ހޯލު (އިރުމަތި ކޮޅު)

ގާސިމް 117

ޔާމީން 124

ނަޝީދު 133

ސައްހަ 374

ބާތިލް 6

ޖުމްލަ 380

18:00

ޖަލާލުއްދީން ސްކޫލް ހޯލު (ހުޅަނގު ކޮޅު)

ގާސިމް 142

ޔާމީން 149

ނަޝީދު 201

ސައްހަ 492

ބާތިލް 12

ޖުމްލަ 504

17:55

އެމްއެންޔޫ ކެމްޕަސް

1- ގާސިމް 228

3- ޔާމީން 199

4- ނަޝީދު 348

ސައްހަ 775

ބާތިލް 16

ޖުމްލަ 791

17:45

އަފީފުއްދީން ސްކޫލް ހޯލު

1- ގާސިމް 119

3- ޔާމީން 140

4- ނަޝީދު 204

ސައްހަ 463

ބާތިލް 5

ޖުމްލަ 468

[yass cats=52]

17:10

އަފީފުއްދީން ސްކޫލް ސްޓޭޖް

1- ގާސިމް 128

3- ޔާމީން 212

4- ނަޝީދު 226

ސައްހަ 566

ބާތިލް 11

ޖުމްލަ 577

17:00

އަމީރު އަމީން ސްކޫލް

1- ގާސިމް 108

3- ޔާމީން 92

4- ނަޝީދު 151

ސައްހަ 351

ބާތިލް 10

ޖުމްލަ 361

16:20

ރިސޯސް ސެންޓަރު ވޯޓު ފޮށި ގުނަން ފެށުނީ 16:18 ގައި. މިހާރު ހުރިހާ ފޮށިތައް ގުނުމުގެ މަސައްކަތް ކުރިއަށް އެބަދޭ.

16:05

ވޯޓު ފޮށިތައް ބަންދުކޮށް ވޯޓު ގުނަން ފަށައިފި. ވޯޓުލާ ސަރަހައްދުގައި އެއްވެސް ހަމަ ނުޖެހުމެއް ނުހިނގާ. ވޯޓު ނުލެވުނު މީހާވެސް މިހާރު އެސަރަހައްދުން ހިނގައްޖެ.

15:35

ވޯޓު ފޮށިތައް ބަންދުކުރަން ފަށައިފި.

އަފީފުއްދީން ސްކޫލުގައި ބައްހައްޓާފައި ހުރި ދެ ވޯޓު ފޮށި ވެސް ބަންދުކޮށްފި. ފޮށި ބަންދު ކުރިއިރު، އެޑްރެސް ދިމާނުވުމުގެ ސަބަބުން ވޯޓު ނުލެވުނު މީހަކު އަދި ވެސް ވޯޓުލާ ސަރަހައްދުގައި އެބައިން. ނަމަވެސް އޭނާއަށް ވޯޓް ނުލެވޭނެ ކަމަށް ވަނީ އަންގާފައި.

10:30

ކުޅުދުއްފުށީގައި ބެހެއްޓިފައި ހުރި ވޯޓު ފޮށިތަކުގެ ތެރެއިން، އައިޕީއެސްގައި ބަހައްޓާފައި ހުރި ވޯޓް ފޮއްޓަށް ވޯޓްލާން ދިޔަ މީހެއްގެ އައިޑީ ކާޑުގައި އޮތް ނަމާއި ލިސްޓުގައި އޮތްނަމާއި ދިމާނުވުމުގެ ސަބަބުން ވޯޓު ނުލެވި އަނބުރާ ދާން ޖެހިއްޖެ. މިކަމާ ހިތްހަމަ ނުޖެހިގެން އޭނާ ވަނީ އެސަރަހައްދުގައި ހަޑިހުތުރު ބަހުން ވާހަކަ ދައްކާ އަޑުގަދަކޮށްފައި. ނަމަވެސް އެއްވެސް ހަމަނުޖެހުމެއް ހިނގާފައެއް ނުވޭ.

10:00

ސެޕްޓެމްބަރު 7 ވަނަ ދުވަހާ އަޅާބަލާއިރު މިއަދު ކުޅުދުއްފުށީގައި ވޯޓުލުމަށް މީހުން ނުކުންނަ އަދަދު މަދުކަން ފާހަގަ ކުރެވޭ.

7:30

އެކި އެކި ސަބަބުތަކާއެކު އެކިފަހަރު މަތިން ލަސްކުރުމަށްފަހު، ރިޔާސީ އިންތިހާބުގެ ވޯޓުލުން ރާއްޖޭގައި ފެށިއްޖެ އެވެ.

މިގޮތުން ކުޅުދުއްފުށީގައި ވެސް މިއަދު ވޯޓުލުން ވަނީ ފެށިފަ އެވެ. 7 ސެޕްޓެމްބަރުގައި ބޭއްވި ރިޔާސީ އިންތިހާބު ބާތިލް ކުރުމަށްފަހު ބާއްވާ އިންތިހާބު މިއަދު ކުރިއަށް ދާއިރު، މިއަދު ވޯޓުލުން އޮންނާނީ އެހެން ފަހަރުތަކާއި ހިލާފަށް ހެނދުނު 7 އިން ހަވީރު 3:30 ގެ ނިޔަލަށެވެ. އަދި ފުރަތަމަ ބުރުން އެއްވެސް ފަރާތެއް އިންތިހާބު ނުވެއްޖެނަމަ ބާއްވާ ދެވަނަ ބުރު އޮންނާނީ މާދަމާ އެވެ.

ކުޅުދުއްފުށީގައި މިފަހަރު ވެސް 8 ވޯޓު ފޮށި ވަނީ ބެހެއްޓިފަ އެވެ. އެއީ ޖަލާލުއްދީން ސްކޫލުގައި 2 ވޯޓު ފޮށި، އަފީފުއްދީން ސްކޫލުގައި 2 ވޯޓު ފޮށި އަދި އިރުމަތީ އަވަށު ޕްރީ ސްކޫލާއި އަމީރު އަމީން ސްކޫލާއި ކުޅުދުއްފުށީގައި ހުންނަ އެމްއެންޔޫ ކެމްޕަސް އާއި ރިސޯސް ސެންޓަރު، މިއިން ކޮންމެ ތަނެއްގައި އެއް ފޮއްޓެވެ.

[yass cats=51]