ރިޔާސީ އިންތިހާބު: ކުޅުދުއްފުށީގައި ބެހެއްޓި ވޯޓް ފޮށިތަކުން ޔާމީން ކުރި ހޯއްދަވައިފި

18:45

މިއަދު ބޭއްވި ރިޔާސީ އިންތިހާބުގައި ކުޅުދުއްފުށީގައި ބެހެއްޓި ހުރިހާ ވޯޓު ފޮއްޓަކުން ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމީން ކުރި ހޯއްދަވައިފި އެވެ.

ޔާމީނަށް ކުޅުދުއްފުށީގެ ބެހެއްޓި 8 ވޯޓު ފޮށިން ވަނީ 2480 ވޯޓު ލިބިފައި އެވެ. އެއީ ވޯޓު ލީމީހުންގެ 57 އިންސައްތަ އެވެ. އެމްޑީޕީގެ ރިޔާސީ ކެންޑިޑޭޓް މުޙައްމަދު ނަޝީދަށްލިބިފައިވަނީ 1899 ވޯޓެވެ. އެއީ 43 އިންސައްތަ އެވެ.

ކުޅުދުއްފުށީގައި މިއަދު ޖުމްލަ 4449 މީހުން ވަނީ ވޯޓުލައިފަ އެވެ. އޭގެ ތެރެއިން ސައްހަ ވޯޓުގެ ގޮތުގައި ބަލާފައިވަނީ 4379 ވޯޓެވެ. 70 ވޯޓު ވަނީ ބާތިލް ވޯޓުގެ ގޮތުގައި ކަނޑައަޅާފައެވެ. ކުޅުދުއްފުށީގައި ވޯޓު ލުމުގެ ހައްގު ލިބިފައިވާ މީހުންގެ ތެރެއިން 88 އިންސައްތަ މީހުން މިއަދު ވަނީ ވޯޓު ލައިފަ އެވެ.

18:30

އިރުމަތީ އަވަށު ޕްރީ ސްކޫލުގައި ބެހެއްޓި ވޯޓު ފޮށި

ޔާމީން 383

ނަޝީދު 315

ސައްހަ 698

ބާތިލް 8

ޖުމްލަ 706

18:25

ޖަލާލުއްދީން ސްކޫލު ހޯލު (ހުޅަނގު ކޮޅު) ގައި ބެހެއްޓި ވޯޓު ފޮށި

ޔާމީން 292

ނަޝީދު 220

ސައްހަ 512

ބާތިލް 10

ޖުމްލަ 522

18:17

އެމްއެންޔޫ ކެމްޕަސްގައި ބެހެއްޓި ވޯޓު ފޮށި

ޔާމީން 446

ނަޝީދު 387

ސައްހަ 833

ބާތިލް 20

ޖުމްލަ 853

18:15

ރިސޯސް ސެންޓަރުގައި ބެހެއްޓި ވޯޓު ފޮށި

ޔާމީން 291

ނަޝީދު 204

ސައްހަ 495

ބާތިލް 3

ޖުމްލަ 498

18:00

ޖަލާލުއްދީން ސްކޫލު ހޯލު (އިރުމަތި ކޮޅު) ގައި ބެހެއްޓި ވޯޓު ފޮށި

ޔާމީން 254

ނަޝީދު 143

ސައްހަ 397

ބާތިލް 5

ޖުމްލަ 402

17:55

އަމީރު އަމީން ސްކޫލުގައި ބެހެއްޓި ވޯޓު ފޮށި

ޔާމީން 201

ނަޝީދު 165

ސައްހަ 366

ބާތިލް 9

ޖުމްލަ 275

17:50

އަފީފުއްދީން ސްކޫލު ސްޓޭޖް ސަރަހައްދުގައި ބެހެއްޓި ވޯޓު ފޮށި

ޔާމީން 347

ނަޝީދު 245

ސައްހަ 592

ބާތިލް 10

ޖުމްލަ 602

 

17:40

އަފީފުއްދީން ސްކޫލު ހޯލުގައި ބެހެއްޓި ވޯޓު ފޮށި

ޔާމީން 226

ނަޝީދު 220

ސައްހަ 486

ބާތިލް 5

ޖުމްލަ 491

[yass cats=54]

16:30

ކުޅުދުއްފުށީގައި ވޯޓު ފޮށިތައް ކަނޑާ ގުނަން ފަށައިފި.

16:20

އަމީރު އަމީން ސްކޫލުގައި ބެހެއްޓި ވޯޓު ފޮއްޓަށް ވޯޓު ލައިފައި ވަނީ 375 މީހުން.

16:15

ވޯޓު ފޮށިތަކަށް މީހުން ވޯޓު ލައިފައިވާ އަދަދުތަކަށް ބަލާއިރު، ފުރަތަމަ ބުރުގައި ވޯޓު ލީ މީހުންނަށް ވުރެ ގިނަ މީހުން ވޯޓު ލައިފައި ވާކަން ފާހަގަ ކުރެވޭ.

16:10

ކެމްޕަސްގައި ބެހެއްޓި ވޯޓު ފޮއްޓަށް 853 މީހުން ވޯޓު ލައިފައިވޭ. އަދި ރިސޯސް ސެންޓަރުގައި ބެހެއްޓި ވޯޓް ފޮއްޓަށް 498 ވޯޓު ލައިފައިވޭ.

16:00

ކުޅުދުއްފުށީގައި ބެހެއްޓި ވޯޓު ފޮށިތައް ބަންދުކޮށްފި. އަފީފުއްދީން ސްކޫލުގެ ހޯލުގައި ހުރި ވޯޓު ފޮއްޓަށް 491 ވޯޓު ލާފައިވޭ. އަދި އެސްކޫލުގެ ސްޓޭޖް ސަރަހައްދުގައި ހުރި ވޯޓް ފޮއްޓަށް 605 ވޯޓު ލައިފައިވޭ.

9:00

އިލެކްޝަންސް ކޮމިޝަންގެ ރައީސް ފުއާދު ތައުފީގް ވިދާޅުވީ މިރޭ 12 ޖެހުމުގެ ކުރިން ވޯޓު ގުނާ ނިމި ވަގުތީ ނަތީޖާ އިއުލާންކުރެވޭނެ ކަމަށް. ނަމަވެސް ރަސްމީ ނަތީޖާ އިއުލާންކުރެވޭނީ މާދަމާ ހެނދުނުގެ ވަގުތެއްގައި ކަމަށް.

8:00

ކުޅުދުއްފުށީގައި ބެހެއްޓި 8 ފޮއްޓަށް ވެސް 7:30 ގައި ވޯޓުލާން ފެށުނު. ވޯޓުލުން ދަނީ ވަރަށް އޮމާން ކޮށް.

[yass cats=53]

7:30

ނޮވެމްބަރު 9 ވަނަ ދުވަހު ބޭއްވި ރިޔާސީ އިންތިހާބުގައި އެއްވެސް ކެންޑިޑޭޓަކަށް 50 އިންސައްތައިން މަތި ހޯދިފައި ނުވާތީ ބާއްވާ ރިޔާސީ އިންތިހާބުގެ ދެވަނަ ބުރުގެ ވޯޓުލުން ރާއްޖޭގައި ފެށިއްޖެ އެވެ.

މިގޮތުން ކުޅުދުއްފުށީގައި ވެސް މިއަދު ވޯޓުލުން ވަނީ ފެށިފަ އެވެ. މިއަދު ވޯޓުލުން އޮންނާނީ ހެނދުނު 7:30 އިން ހަވީރު 4:00 ގެ ނިޔަލަށެވެ.

ކުޅުދުއްފުށީގައި މިފަހަރު ވެސް 8 ވޯޓު ފޮށި ވަނީ ބެހެއްޓިފަ އެވެ. އެއީ ޖަލާލުއްދީން ސްކޫލުގައި 2 ވޯޓު ފޮށި، އަފީފުއްދީން ސްކޫލުގައި 2 ވޯޓު ފޮށި އަދި އިރުމަތީ އަވަށު ޕްރީ ސްކޫލާއި އަމީރު އަމީން ސްކޫލާއި ކުޅުދުއްފުށީގައި ހުންނަ އެމްއެންޔޫ ކެމްޕަސް އާއި ރިސޯސް ސެންޓަރު، މިއިން ކޮންމެ ތަނެއްގައި އެއް ފޮއްޓެވެ.

ރިޔާސީ އިންތިހާބުގެ ފުރަތަމަ ބުރުގައި ކުޅުދުއްފުށީގައި ބެހެއްޓި ވޯޓު ފޮށިތަކުން އެއްވަނަ ހޯދާފައިވަނީ %42 އާއެކު މުޙައްމަދު ނަޝީދެވެ. އަދި އަބްދުﷲ ޔާމީނަށް ދެވަނަ ލިބުނީ %30 އިންސައްތަ ވޯޓާއެކު އެވެ.

މިދިޔަ ހޮނިހިރުދުވަހު ބޭއްވި މި އިންތިޚާބުގެ ފުރަތަމަ ބުރުގައި ތިން ކެންޑިޑޭޓުން ވާދަކުރެއްވި އިރު، އެންމެ ގިނައިން ވޯޓު ހޯއްދެވި އެމްޑީޕީގެ ކެންޑިޑޭޓް މުހައްމަދު ނަޝީދަށް ލިބިވަޑައިގެންފައި ވަނީ 96،764 ވޯޓު ވޯޓެވެ. އެއީ އިންތިހާބުގައި ވޯޓުލީ 208،504 މީހުންގެ 46 ޕަސެންޓެވެ. ޕީޕީއެމްގެ ކެންޑިޑޭޓް އަބްދުﷲ ޔާމީނަށް ވޯޓުލީ މީހުންގެ 29 ޕަސެންޓާއެކު ލިބިވަޑައިގަތީ 61،278 ވޯޓެވެ.