ކުޅުދުއްފުށީގައި މިއަދު ހަވީރު ދެ ސައިކަލު ޖެހި ހިނގި އެކްސިޑެންޓު ގައި މީހަކަށް އަނިޔާވެއްޖެ އެވެ.
މަންޒަރު ދުއް މީހަކު ބުނީ ދެ ސައިކަލު ވެސް އައީ އަމީނީމަގުގެ ކަނާތް ފަރާތުން، ދެކުނުން އުތުރަށް ދުއްވާފަ އެވެ. އަދި ފަހަތުން އައި ސައިކަލު ކޮންޓުރޯލު ނުކުރެވިގެން އައިސް ކުރީގަ ހުރި ސައިކަލުގެ ފަހަތުގާ ޖެހިގެން ހިނގި އެކްސިޑެންޓެއް ކަމަށް އޭނާ ބުންޏެވެ. އަދި އެކްސިޑެންޓު ވުމަށް ފަހު ފަހަތުން އައި ސައިކަލު ގައި ތިބި ދެ ޒުވާނާ ވަނީ ފުލުހުން އެސަރަހައްދަށް އައުމުގެ ކުރިން ސީން ރޫޅާ ލުމަށް ފަހު ފިލާފަ ކަމަށް އޭނާ މައުލޫމާތު ދިނެވެ.
ކުޅުދުއްފުށީ “ސޮޑާގެ” ކުރިމަތީ ހިނގި މި އެކްސިޑެންޓުގައި، ކުރީގައި އިން ސައިކަލު ދުއްވަން އިން ހދ ކުޅުދުއްފުށީ ޒިކުރާގެ، އަބުދުލް ވައްހާބު ހަސަން (53) ގެ ފަޔަށް އަނިޔާ ވެފާވާ ކަމަށާއި އިތުރު ބޮޑު އަނިޔާ އެއް ލިބިފައިވާ ކަމަށް އަދި ފާހަގަ ނުކުރެވޭ ކަމަށް އޭނާގެ ދަރިއަކު ވަނީ ބުނެފައެވެ. އަނިޔާވި މީހާ ވަނީ ކުޅުދުއްފުށީ ރީޖަނަލް ހޮސްޕިޓަލަށް ގެންގޮސްފަ އެވެ .
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ޓެލެމެޑިސިންގެ ހިދުމަތާއެކު ބޮޑެތި ބަލިތައް ފަރުވާހޯދާ ފަރާތްތަކަށް ލުއި ލިބިގެންދާނެ
ކުޅުދުއްފުށީ ހޮސްޕިޓަލުގައި ޓެލެމެޑިސިން އާއި އެންޑޯމެޓްރިއޯސިސް ހިދުމަތް އިފްތިތާހުކޮށްފި
ކޯޓު އަމުރެއްގެ ދަށުން ކުޅުދުއްފުށީ އެއާޕޯޓްގެ އެސިސްޓެންޓް މެނޭޖަރު ހައްޔަރުކޮށްފި
