ހދ އަތޮޅު ތައުލީމީ މަރުކަޒުގެ ގުރޭޑް 7 ގެ ދަރިވަރުންގެ ތެރެއިން، ސްކޫލު އިމްތިހާނު އެވްރެޖް މާކްސް ސާޅީހުން މަތި ހޯދައިގެން 85 އިންސައްތަ ދަރިވަރުން ފާސްވި ކަމުގެ ސެޓްފިކެޓް ހާސިލް ކޮށްފި އެވެ.
ބުރާސްފަތި ދުވަހު ހަވީރު އޭއީސީ ހޯލުގައި ބޭއްވި ދަސްވެނިވުމުގެ ރަސްމިއްޔާތުގައި ޖުމްލަ 93 ދަރިވަރަކު ވަނީ ދަސްވެނިވެފަ އެވެ.
ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވީ އަފީފުއްދީން ސްކޫލުގެ ޕްރިންސިޕަލް އާދަމް މޫސާ އެވެ. މި ރަސްމިއްޔާތުގައި ދަސްވެނިވި ދަރިވަރުންނަށް ފާސްވިކަމުގެ ސެޓްފިކެޓާއި ޝޭސް ހަވާލުކޮށްދެއްވީ ޝަރަފްވެރި މެހެމާނެވެ.
ޝަރަފުވެރިމެހެމާންގެ ވާހަކާގައި ކޮންމެ ދަރިވަރަކީ ކިޔަމަންތެރި އަހްލާގު ރަގަޅު ދަރިވަރަކަށް ވުމަށް ގޮވާލެއްވި އެވެ. އަދި ތައުލީމް ހާސިލު ކުރުމަށްފަހު އެ ކުއްޖަކަށް ލިބިފައިވާ ހުނަރު ބޭނުން ކޮށްގެން މުޖުތަމައަށް ފައިދާ ހުރި މަސައްކަތެއް ކުރާ ދަރިވަރަކަށް ވުމަށް އަޒުމު ކަނޑައެޅުމަށް ވެސް ދަރިވަރުންނަށް ނަސޭހަތްތެރި ވެލެއްވި އެވެ.
މިރަސްމިއްޔާތުގައި އެ ސްކޫލުގެ ޕްރިންސިޕަލް ޒިޔާދު ރަޝާދު، އެ ސްކޫލުގެ ކުރީގެ ޑެޕިއުޓީ ޕްރިންސިޕަލް ހަފީޒާ އަބުދުއްރަހްމާންގެ ޒިކުރާ އާކުރައްވަމުން ވިދާޅުވީ ސްކޫލު މިދުވަސް ކޮޅު ތަޖުރިބާ ކުރަމުން ދަނީ ވަރަށް ހިތްދަތި، ހިތާމަވެރި ވަގުތު ކޮޅެއް ކަމަށާއި ހަފީޒާ އަކީ ސްކޫލަށް ނުހަނު ގިނަ ހިދުމަތް ތަކެއް ކުރައްވާފައިވާ ބޭކަނބަލެއް ކަން ޒިޔާދު ފާހަގަ ކުރެއްވި އެވެ.
ގްރޭޑް 1 އިން 7 އަށް ކިޔަވައިދޭ ހދ އޭއީސީގެ ގުރޭޑް 7 ގައި 129 ދަރިވަރުން މި އަހަރު ތައުލީމް ހާސިލް ކޮށް 93 ދަރިވަރަކު ވަނީ ގުރޭޑް އަށަކަށް ޕުރޮމޯޓްވެފަ އެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
