އެސް.ޓީ.އޯގެ “ބޮޑު ސޭލް 2013” ފެށިގެން ކުރިއަށް އެބަދޭ

ސްޓޭޓް ޓްރޭޑިންގ އޮގަނައިޒޭޝަން (އެސް.ޓީ.އޯ) އިން އަގުހުރި އިނާމު ތަކަކާއެކު ކުރިއަށްގެންދާ އެސްޓީއޯ ބޮޑު ސޭލް ފެށިގެން ކުރިއަށް އެބަދެއެވެ.

އެސްޓީއޯ ހޯމް އިމްޕްރޫވްމަންޓާއި ސުޕަމާކެޓުގެ އިތުރުން އަތޮޅުތަކުގެ ފިހާރަތަކުގައިވެސް ކުރިއަށްދާ މި ސޭލުގައި ބައެއް މުދާތަކުން 80 އިންސައްތައާ ހަމައަށް ޑިސްކައުންޓު ލިބިގެންދާނެ ކަމަށާއި އެސްޓީއޯއިން ވިއްކާ ބްރޭންޑުތަކުން ބައްލަވައިގަންނަ ބައެއް މުދަލާއެކު ހިލޭ އިނާމެއް ވެސް ލިބިގެންދާނެ ކަމަށް އެފަރާތުން ހާމަކުރެއެވެ. އެހެން ނަމަވެސް މި ސޭލުގައި ލަކީ ޑްރޯއެއް ނޯންނާނެ ކަމަށް އެސްޓީއޯއިން މައުލޫމާތު ދެއްވައެވެ.

މި ސޭލް ފައްޓަވައިދެއްވުމުގެ ގޮތުން ބޭއްވި ރަސްމިއްޔާތުގައި ފިލިޕްސްގެ އާ ޓީވީ މޮޑަލް “ޑިޒައިންލައިން” ވަނީ ބާޒާރަށް ނެރެފައެވެ. އެ ރަސްމިއްޔާތުގައި މި ޓީވީ ތަޢާރަފްކޮށްދެއްވީ އެސްޓީއޯގެ އާ މެނޭޖިން ޑިރެކްޓަރު އާދަމް އާޒިމާއި ސޭލްސް އެންޑް މާކެޓިން ވަގުތީ ގޮތުން ހިންގެވުމާ ހަވާލުވެގެން ހުންނެވި ޖެނެރަލް މެނޭޖަރ އިބްރާހިމް ޒިޔާތު އެވެ.

ހަމައެކަނި ފިލިޕްސް އަށް ޚާއްސަކުރެވިފައިވާ އެމްބިލައިޓް ޓެކްނޮލޮޖީ، ޓީވީގެ ދެ އަރިމަތިންނާއި މަތީފަރާތުން މިޓީވީގައި ވަނީ ބޭނުންކޮށްފައެވެ. އަދި ފިލިޕްސް ޑިޒައިންލައިން ފޮނުވައިދޭ އަލިތަކުން، ޓީވީ ގެ ފުރަގަހަށް އެވަގުތަކު ބަލަމުންދާ މަންޒަރުތަކުގައިވާ ކުލަތައް ފާރަށްއެޅި އިތުރު ފުރިހަމަކަމެއް ގެނެސްދޭނެއެވެ. އަދި ފިލިޕްސް ޑިޒައިންލައިންގެ މި އާ އުފެއްދުމުގައި އިތުރުކުރެވިފައިވާ މައިކްރޯ ޑިމިންގ އަދި ލޯކަލް ކޮންޓްރާސްޓްގެ ފީޗާއިން މަންޒަރުތައް އެޖަސްޓްކޮށްދީ އިތުރު ފުރިހަމަކަމެއް ގެނަސްދޭނެ ކަމަށް އެސްޓީއޯއިން މައުލޫމާތުދެއެވެ.

ޑިޒައިންލައިން ޓީވީގެ ކީބޯރޑް ރިމޯޓްގައި ހިމެނޭ އިންޓަގްރޭޓެޑް މައުސް ޕޮއިންޓާއިން ސްމާރޓް ޓީވީ ފީޗާރސްތައް ފަސޭހަކަމާއެކު ކޮންޓްރޯލްކުރެވޭނެ ކަމަށާއި ޓީވީގައި ހިމެނިފައިވާ ވައިފައި މިރަކާސްޓް ފީޗާރސްއާއެކު ސްމާރޓް ފޯނުގެ ސްކްރީން ޓީވީން މިރަރކޮށްލާ ފަސޭހަކަމާއެކު ބަލާލެވޭނެ ކަމަށް އެސްޓީއޯއިން މައުލޫމާތުދެއެވެ.

ފިލިޕްސް މައި ރިމޯޓް އެޕްލިކޭޝަންއަށްވެސް ސަޕޯރޓްކުރާ މިޓީވީން، ފަސޭހަކަމާއެކު ޓީވީ ކޮންޓްރޯލްކޮށް، ޓެބްލެޓް ނުވަތަ ސްމާރޓްފޯނުން ފައިލް ޝެއަރކޮށް އަދި ލައިވްޓީވީ ގޭގެ އެހެން ކޮޓަރިއަކުންވެސް ބަލާލެވޭނެކަމަށް އެސްޓީއޯ އިން ހާމަކުރެއެވެ.

ޓީވީ އާއި ސްޓޭންޑު އެއް ބިއްލޫރި ޝީޓަކުން އުފައްދާފައިވާ މިޓީވީ ގެ “46 އަދި “55 އިންޗީގެ ލިޕްސް ޑިޒައިންލައިން ޓީވީ އެސްޓީއޯ އިން ވިއްކަނީ 5322/-ރުފިޔާގެ ޑިސްކައުންޓް އަކާއެކު -/38869ރ އަށެވެ.