ލޯކަލް ކައުންސިލަށް ކެންޑިޑޭޓުން ހޮވުމަށް އެމްޑީޕީން ބާއްވާ ޕްރައިމަރީ ކުޅުދުއްފުށީގައި މާދަމާ އޮންނާނެ

ލޯކަލް ކައުންސިލް އިންތިޚާބުގައި އެމްޑީޕީ ޓިކެޓުގައި ވާދަ ކުރާނެ ފަރާތްތައް ހޮވުމަށް ބާއްވާ ޕްރައިމަރީ 30 ނޮވެމްބަރުވާ ހޮނިހިރު ދުވަހު އޮންނާނެ ކަމަށް އެޕާޓީއިން ހާމަކޮށްފިއެވެ.

އެމްޑީޕީގެ ޓިކެޓުގައި ކައުންސިލް އިންތިޚާބުގެ ރަށުކައުންސިލްގެ ގޮނޑިއަށް 11 ފަރާތަކުންވަނީ ޝައުގުވެރިކަން ފާޅުކޮށްފަ އެވެ. އެއީ މުހައްމަދު އައިމަން އަލީ އާއި، ޝައުފާ އިބްރާހިމާއި، މިދުހަތު މުހައްމަދާއި، ސާދުނާ މުހައްމަދުގެ އިތުރުން އަލީ ހާޝިމްއާއި މުހައްމަދު އަބްދުއްރަހުމާން (އޭއާރު)އެވެ. އަދި މީގެ އިތުރުން މިހާރު އަތޮޅު ކައުންސިލްގެ ކުޅުދުއްފުށީ ދެކުނު ދާއިރާގެ  މެމްބަރު އަލީ މުހައްމަދާއި ރަށު ކައުންސިލްގެ މެމްބަރު އަބްދުއްޝުކޫރު އަހުމަދުގެ އިތުރުން އަބްދުﷲ ރަމީޒާއި އާދަމް މުހައްމަދާއި އަހުމަދު ނަޒީހު ސައީދެވެ.

އެމްޑީޕީގެ ޓިކެޓުގައި އަތޮޅު ކައުންސިލްގެ ކުޅުދުއްފުށީ ދެކުނު ދާއިރާގެ ގޮނޑިއަށް 3 ފަރާތަކުން ވަނީ ޝައުގުވެރިކަން ފާޅުކޮށްފައެވެ. އެއީ އާދަމް ޝަރީފާއި، އަހުމަދު އާތިފްގެ އިތުރުން އަބްދުލް ލަތީފް ހަސަންއެވެ. އުތުރު ދާއިރާގެ ގޮނޑިއަށް އެމްޑީޕީ ޓިކެޓުގައި ކުރިމަތި ލާފައިވަނީ 2 ފަރާތުން ކަމަށް ވުމުން އެ ދާއިރާގެ ވޯޓުލުން ޕްރައިމަރީގައި ކުރިއަށް ނުދާނެ ކަމަށް އެ ޕާޓީއިން ބުނެއެވެ.

އެމްޑީޕީ ޕްރައިމަރީގެ ވޯޓު ލުން މާދަމާ ކުރިއަށްދާނީ ހެނދުނު 9 އިން ހަވީރު 4 ކަށް އެމްޑީޕީ ކުޅުދުއްފުށީ ޗާނދަނީ ޖަގަހާގަ ކަމަށް އެޕާޓީން ހާމަކުރެ އެވެ.

2011 ވަނަ އަހަރު ބޭއްވުނު ލޯކަލް ކައުންސިލު ތަކުގެ އިންތިޚާބުގައި ކުޅުދުއްފުށިން އެމްޑީޕީގެ ކެންޑިޑޭޓުންނަށް ގިނަ ގޮނޑިތަކެއް ވަނީ ލިބިފައެވެ.