އެމްޑީޕީ ޕްރައިމަރީ: އަތޮޅު ކައުންސިލުގެ ކުޅުދުއްފުށީ ދެކުނު ދާއިރާގެ އެމްޑީޕީ ޓިކެޓް އާތިފް އާއި ލައްޗެއަށް

އެމްޑީޕީ ޕްރައިމަރީގައި ކުޅުދުއްފުށީ ދެކުނު ދާއިރާގެ އަތޮޅު ކައުންސިލުގެ 2 ގޮނޑީގެ ޓިކެޓް އަބުދުލް ލަތީފް ހަސަން، ސަބުނަމީގެ އާއި އަހުމަދު އާތިފް، މާވިނަ ކަށަވަރު ކޮށްފި އެވެ.

އިއްޔެ ކުރިއަށް ދިޔަ އެމްޑީޕީގެ ޕްރައިމަރީގައި ކުޅުދުއްފުށި ދެކުނު ދާއިރާގެ އަތޮޅު ކައުންސިލުގެ 2 ގޮނޑި އަށް ވާދަކުރި 3 ކެންޑިޑޭޓުގެ ތެރެއިން އެންމެ މަދު ވޯޓު ލިބިގެން ޕްރައިމަރީ ނާކާމިޔާބު ވެފައިވަނީ ކެނޑިޑޭޓް ނަންބަރު 2 އާދަމް ޝަރީފެވެ. އޭނަ އަށް ލިބިފައިވަނީ 53 ވޯޓެވެ.

އެމްޑީޕީ ދެކުނު ދާއިރާގައި 361 މެމްބަރުން ދަފްތަރު ކުރެވިފައިވާއިރު ވޯޓު ލާފައިވަނީ 143 މެމްބަރުންނެވެ. އޭގެ ތެރެއިން ބާތިލް 4 ވޯޓު ގުނުނު އިރު އެންމެ ގިނަ ވޯޓު އެދާއިރާ އިން ހޯދި އާތިފް އަށް ލިބިފައިވަނީ 112 ވޯޓެވެ. އަދި ލަތީފަށް ލިބިފައިވަނީ 105 ވޯޓެވެ.

ކުޅުދުއްފުށީ ރަށު ކައުންސިލުގެ 7 ގޮނޑީގެ ޓިކެޓަށް ވާދަކުރި 11 ކެންޑިޑޭޓުންގެ ތެރެއިން އެމްޑީޕީގެ ޓިކެޓް ކަށަވަރު ކޮށްފައިވާ 7 ކެންޑިޑޭޓުންނަކީ:

ކެނޑިޑޭޓް ނަންބަރު (1) އަލީ މުހައްމަދު ދެރަހަ.ލިބުނު ވޯޓު 169

ކެނޑިޑޭޓް ނަންބަރު (3) މުހައްމަދު އައިމަން ކިރުދޫނިގެ،ލިބުނު ވޯޓު  167

ކެނޑިޑޭޓް ނަންބަރު (5) އަލީ ހާޝިމް ވިލާ، ލިބުނު ވޯޓު  154

ކެނޑިޑޭޓް ނަންބަރު (11) ޝައުފާ އިބުރާހިމް ހިލްމީ، މޫންސްޓަރ، ލިބުނު ވޯޓު 145

ކެނޑިޑޭޓް ނަންބަރު (7) އަބުދުލް ޝުކޫރު ކުރިނަންފިލާގެ،ލިބުނު ވޯޓު  124

ކެނޑިޑޭޓް ނަންބަރު (8) މުހައްމަދު އަބުދުލް ރަހްމާނު،(އޭއާރު) ނަޔާއާބާދު،ލިބުނު ވޯޓު  123

ކެނޑިޑޭޓް ނަންބަރު (6) ސާދުނާ މުހައްމަދު ޕެނަލް،ލިބުނު ވޯޓު  112

އެންމެ މަދުން ވޯޓު ލިބިފައިވަނީ ކެންޑިޑޭޓް ނަންބަރު 9 އާދަމް މުހައްމަދު(ޖޭވިޑް) އަށެވެ. އޭނާ އަށް ލިބިފައިވަނީ 68 ވޯޓެވެ. ކެންޑިޑޭޓް ނަންބަރު (4) އަހުމަދު ނަޒީހު މ.އެގުރީޓާ އަށް ލިބިފައިވަނީ 71 ވޯޓެވެ. އަދި އަބުދުއްﷲ ރަމީޒު، ބޮޑުސީޓުގެ އަށް 79 ވޯޓު ލިބިފައިވާ އިރު ރަބަރުމާގެ، މިދުހަތު މުހައްމަދު (މިޑީ) އަށް ލިބިފައިވަނީ 109 ވޯޓެވެ.

މިޕްރައިމަރީގާ ވޯޓު ދީފައިވަނީ 216 މީހުންނެވެ. އޭގެ ތެރެއިން 8 ވޯޓަކީ ބާތިލް ވޯޓެވެ.