އިންތިހާބު ކަވަރުކޮށް ޚަބަރު ހުށަހަޅާނެ ގޮތުގެ ތަމްރީން ޕްރޮގްރާމެއް ކުޅުދުއްފުށީގައި ބާއްވަނީ

އިންތިހާބު ކަވަރުކޮށް ޚަބަރު ހުށަހަޅާނެ ގޮތުގެ ތަމްރީނު ޕްރޮގްރާމެއް ކުޅުދުއްފުށީގައި ބާއްވަން ހަމަޖެހިފައިވާ ކަމަށް ކުޅުދުއްފުށީ ކައުންސިލުން ހާމަކޮށްފިއެވެ.

މޯލްޑިވްސް މީޑިޔާ ކައުންސިލުގެ ފަރާތުން ބާއްވާ “އިލެކްޝަން ކަވަރޭޖު ނިވްސް ޕްރެޒެންޓޭޝަން” ޓްރެއިނިން ޕްރޮގްރާމު ކުޅުދުއްފުށީގައި ބޭއްވުމަށް ހަމަޖެހިފައިވަނީ މިމަހުގެ އަށަކުން ފެށިގެން 5 ދުވަހުގެ މުއްދަތަކަށެވެ.

މި ޕްރޮގްރާމުގައި ބައިވެރިންނަށް ކިޔަވައިދެއްވާނީ ފޯކަސް ޓްރެއިނިންގ ސެންޓަރުންގެ ބޭފުޅުން ކަމަށާއި މިއީ 25 ޖާގަ ހިމެނިފައިވާ ޕްރޮގުރާމެއް ކަމަށް ކައުންސިލުން މައުލޫމާތު ދެއްވައެވެ.

މި ޕްރޮގްރާމުގައި ބައިވެރިވުމަށް ޝައުގުވެރިވާ ފަރާތްތަކުން 4 ޑިސެމްބަރުވާ ބުދަ ދުވަހުގެ 12 ޖެހުމުގެ ކުރިން ކައުންސިލް އިދާރާގައި ނަންނޯޓު ކުރެއްވުމަށްވެސް އެ އިދާރާއިން އެދިލައްވައެވެ. އަދި ނަންނޯޓު ކުރާއިރު ދިވެހި ރައްޔިތެއްކަން އަންގައިދޭ ކާޑު ގެންނަން ޖެހޭނެ ކަމަށް އެފަރާތުން ހާމަކުރެއެވެ.