މެމްބަރު އަލީ ވަހީދުގެ އަނބިކަނބަލުން ކުޅުދުއްފުށީ ދެކުނު ދާއިރާގެ މަޖްލިސް މެމްބަރުކަމަށް ކުރިމަތި ލައްވަނީ

ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު އަލީ ވަހީދުގެ އަނބިކަނބަލުން އައިޝަތު ލީޝާ ކުޅުދުއްފުށީ ދެކުނު ދާއިރާގެ މަޖިލިސް މެމްބަރު ކަމަށް ކުރިމަތި ލައްވާނެކަން ހާމަކޮށްފި އެވެ.

ރޭ ކުޅުދުއްފުށީ އެމްޑީޕީ ޖަގަހައިގައި އޮތް ބައްދަލުވުމެއްގައި ލީޝާ މަޖިލީހަށް ކުރިމަތި ލެއްވުމަށްޓަކައި އެމްޑީޕީގެ ޕްރައިމަރީގައި ވާދަކުރައްވާކަން ވަނީ އިއުލާނުކޮށްފަ އެވެ.

އެމްޑީޕީ ޓިކެޓުގައި ކުޅުދުއްފުށީ ދެކުނު ދާއިރާއަށް ކުރިމަތިލާ ހުރިހާ ފަރާތްތަކުގެ ނަންތައް އަދި ފައިނަލް ނުވާކަމަށް ކުޅުދުއްފުށީގައި ހަރަކާތްތެރިވާ އެމްޑީޕީގެ އޮފިޝަލަކު ވިދާޅުވި އެވެ.

މަޖިލީހުގައި ކުޅުދުއްފުށީ ދެކުނު ދާއިރާ މިހާރު ތަމްސީލުކުރައްވަނީ މުހައްމަދު ނަޝީދެވެ. މިފަހަރުގެ އިންތިހާބުގައި މެމްބަރު ނަޝީދު ކުރިމަތިލައްވާ ކަމެއް އަދި އިއުލާނުކޮށްފައެއް ނުވެއެވެ.