ބޭންކް އޮފް މޯލްޑިވްސް (ބީއެމްއެލް) އިން މިދިޔަ އަހަރުގެ އަހަރީ އާންމު ޖަލްސާ ނުބޭއްވި ލަސްވަމުން ދާތީ އޮޑިޓަރެއް އައްޔަންކުރުމަށް ހިއްސާދާރުންނަށް ޚާއްސަ އާންމު ޖަލްސާއެއް ބާއްވަން ނިންމައިފި އެވެ.
ބީއެމްއެލް އިން ބޭއްވުމަށް ހަމަޖެހިފައި މި ބައްދަލުވުން އޮންނާނީ މިމަހުގެ 28 ވަނަ ދުވަހުގެ ރޭ ނަސަންދުރާގައި ކަމަށް އެ ބޭންކުން ނެރުނު އިއުލާނެއްގައި ވެއެވެ. މި ބައްދަލުވުމުގައި ކުރިއަށްދާނީ މި އަހަރު ކުންފުނި އޮޑިޓްކުރުމަށް ބޭނުންވާ އޮޑިޓަރެއް ފާސްކުރުން އެކަނި ކަމަށް އެ އިއުލާނުގައި ވެއެވެ.
ބީއެމްއެލްގެ މިދިޔަ އަހަރުގެ އަހަރީ އާންމު ޖަލްސާ ބޭއްވުމަށް ކުރިން ނިންމާފައިވަނީ މިދިޔަ މަހުގެ ތެރޭގައެވެ. އެހެން ނަމަވެސް މި ޖަލްސާ ފަސްކޮށްފައިވަނީ އާ ސަރުކާރުން ބީއެމްއެލްގެ ބޯޑަށް އައްޔަންކުރާނެ މީހުންގެ ނަންތަކަށް ބަދަލުގެނައުމަށެވެ.
އާއްމުގޮތެއްގައި އޮޑިޓަރު ހޮވުން ކުރިއަށް ގެންދާނީ އަހަރީ އާއްމު ޖަލްސާގައެވެ. މިފަހަރު ބީއެމްއެލް އޮޑިޓްކުރުމަށް ކުރިމަތިލާފައި ވަނީ ޕްރައިސް ވޯޓާ ހައުސް ކޫޕާޒް އާއި ކޭޕީއެމްޖީ އަދި އާންސްޓް އެންޑް ޔަންގެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
