އިންތިހާބު ކަވަރުކޮށް ޚަބަރު ހުށަހަޅާދޭނެ ގޮތުގެ ތަމްރީނު ޕްރޮގްރާމެއް ކުޅުދުއްފުށީގައި ފެށިއްޖެ

އިންތިހާބު ކަވަރުކޮށް ޚަބަރު ހުށަހަޅާދޭނެ ގޮތުގެ ތަމްރީނު ޕްރޮގްރާމެއް ކުޅުދުއްފުށީގައި ފެށިއްޖެ އެވެ.

މޯލްޑިވްސް މީޑިޔާ ކައުންސިލްގެ ފަރާތުން އިންތިޒާމުކޮށްގެން ކުރިއަށްގެންދާ މި ޕްރޮގްރާމުގައި ކިޔަވައިދެއްވަނީ ފޯކަސް އެޑިއުކޭޝަން ސެންޓަރުގެ ބޭފުޅެއް ކަމަށްވާ މުހައްމަދު ނަޒީފެވެ.

ހުސްވި ހަފުތާގެ ބުރާސްފަތި ދުވަހުގެ ރޭ ހދ ޓީޗަރ ރިސޯސް ސެންޓަރުގައި ފެށުނު މި ޕްރޮގްރާމުގައި މީޑިޔާ އާއި ޑިމޮކްރަސީ އާއި އިންތިޚާބާ ގުޅޭގޮތުން ބައިވެރިންނަށް މައުލޫމާތު ދިނުމަށްވަނީ ހަމަޖެހިފައެވެ. މިގޮތުން ޚަބަރެއްކަން ދެނެގަންނާނެ ގޮތްތަކާއި ޚަބަރު ތައްޔާރުކޮށް ހުށައަޅާނެ ގޮތްތައް ބައިވެރިންނަށް ދަސްކޮށްދޭނެއެވެ.

25 ބައިވެރިންގެ ޖާގައިގެ މި ޕްރޮގްރާމުގައި ބައިވެރިވެފައިވަނީ 19 ފަރާތަކުންނެވެ. މި ޕްރޮގްރާމު 5 ދުވަހުގެ ނިޔަލަށް ކުރިއަށްދާނެ އެވެ.