ކައުންސިލް އިންތިހާބުގައި ހދ އަތޮޅު ކައުންސިލުގެ 5 ދާއިރާއަށް 22 ފަރާތަކުން ކުރިމަތިލާފައިވޭ

ކުރިއަށް އޮތް ލޯކަލް ކައުންސިލް އިންތިޚާބުގެ ހދ އަތޮޅު ކައުންސިލުގެ 5 ދާއިރާއަށް 22 ފަރާތަކުން ކުރިމަތިލާފައިވާ ކަމަށް އިލެކްޝަންސް ކޮމިޝަންގެ ތިލަދުންމަތީ ދެކުނުބުރީ އަތޮޅު ޔުނިޓުން ހާމަކޮށްފި އެވެ.

މިގޮތުން ހދ އަތޮޅު ކައުންސިލުގެ ކުޅުދުއްފުށީ ދެކުނު ދާއިރާއަށް 5 ފަރާތަކުން ކުރިމަތި ލާފައިވާއިރު ކުޅުދުއްފުށީ އުތުރު ދާއިރާއަށް 4 ފަރާތަކުން ވަނީ ކުރިމަތިލާފައެވެ.

އަތޮޅު ކައުންސިލުގެ ހަނިމާދޫ ދާއިރާ އަށާއި، ނޮޅިވަރަމް ދާއިރާއިން ވެސް މިއިންތިޚާބުގައި ވާދަކުރާނީ 4 ކެނޑިޑޭޓުންނެވެ. އެހެން ނަމަވެސް ވައިކަރަދޫ ދާއިރާގައި 5 ފަރާތަކުން މި އިންތިޚާބުގައި ވާދަކުރާނެއެވެ.

އަންނަ މަހުގެ 18 ގައި ބާއްވާ ލޯކަލް ކައުންސިލް އިންތިހާބުގައި ހދ އަތޮޅު ކައުންސިލުގެ 10 ގޮނޑިއަށް ވާދަކުރާ ކެނޑިޑޭޓުންގެ ތެރޭގައި އެންމެ ގިނައީ އެމްޑީޕީއަށް ނިސްބަތްވާ ކެނޑިޑޭޓުންނެވެ. އެގޮތުން އެމްޑީޕީން 10 ކެނޑިޑޭޓުން ވާދަކުރެއެވެ.

ދެން އެންމެ ގިނަ ކެނޑިޑޭޓުން ނެރެފައިވަނީ ވެރިކަންކުރާ ޕީޕީއެމް އިންނެވެ. އެ ޕާޓީން 4 ކެނޑިޑޭޓުން ނެރެފައިވާއިރު ސަރުކާރާ ކޯލިޝަން ހަދާފައިވާ ޖުމުހޫރީ ޕާޓީން ނެރެފައިވަނީ 2 ކެނޑިޑޭޓެކެވެ. އަދާލަތު ޕާޓީގެ ފަރާތުން 3 ކެނޑިޑޭޓަކު ވާދަކުރާއިރު އަމިއްލަގޮތުން ވެސް 3 ކެނޑިޑޭޓެއް މި އިންތިހާބުގައި ވާދަކުރާނެ އެވެ.

ހދ އަތޮޅު ކައުންސިލުގެ 5 ދާއިރާގެ ތެރެއިން ކޮންމެ ދާއިރާއަކުންވެސް ދެ ކައުންސިލަރުން ހޮވާނެ އެވެ.

ހދ އަތޮޅު ކައުންސިލްގެ ކުޅުދުއްފުށީ ދެކުނު ދާއިރާއަށް ކުރިމަތި ލާފައިވާ ކެނޑިޑޭޓުން

ކެނޑިޑޭޓް ނަންބަރ 1 އަބުދުލް ލަތީފް ހަސަން، ސަބުނަމީގެ (އެމްޑީޕީ)

ކެނޑިޑޭޓް ނަންބަރ 2 އަހުމަދު އާތިފް، މާވިނަ (އެމްޑީޕީ)

ކެނޑިޑޭޓް ނަންބަރ 3 މުހައްމަދު އަހުމަދު، ގިނިރާހިގެ (އަދާލަތު ޕާޓީ)

ކެނޑިޑޭޓް ނަންބަރ 4 އަބްދުލް ހަމީދު އިބްރާހިމް، ރަންކޮކާގެ (އަމިއްލަ ގޮތުން)

ކެނޑިޑޭޓް ނަންބަރ 5 މުޖްތަބާ އަހުމަދު، ގުޑުލަކް (އަމިއްލަ ގޮތުން)

ހދ އަތޮޅު ކައުންސިލުގެ ކުޅުދުއްފުށީ އުތުރު ދާއިރާއަށް ކުރިމަތިލާފައިވާ ކެނޑިޑޭޓުން

ކެނޑިޑޭޓް ނަންބަރ 1 އަލީ ހަސަން، ހެލެނބެލިމާގެ (އެމްޑީޕީ)

ކެނޑިޑޭޓް ނަންބަރ 2 މުޙައްމަދު ޝުކޫރު، ފަރެސް (އެމްޑީޕީ)

ކެނޑިޑޭޓް ނަންބަރ 3 އަބްދުﷲ މުހައްމަދު، ނަމޫނާ (ޖޭޕީ)

ކެނޑިޑޭޓް ނަންބަރ 4 އުއްމުކުލްސޫމް އިބްރާހިމް، ލަންދޫގެ (ޕީޕީއެމް)

ހދ އަތޮޅު ކައުންސިލުގެ ހަނިމާދޫ ދާއިރާއަށް ކުރިމަތިލާފައިވާ ކެނޑިޑޭޓުން

ކެނޑިޑޭޓް ނަންބަރ 1  އަހުމަދު ޖަލީލު މޫސާ، ދޯޅަނބުގެ، ކ.މާލެ ( އެމްޑީޕީ)

ކެނޑިޑޭޓް ނަންބަރ 2  އާދަމް ނަސީރު، ފެއަރގްރައުންޑް، ހދ ހަނިމާދޫ (އަދާލަތު ޕާޓީ)

ކެނޑިޑޭޓް ނަންބަރ 3  މުހައްމަދު ވަސީމް، ރޯޒަރީ، ހދ ނެއްލައިދޫ ( އެމްޑީޕީ)

ކެނޑިޑޭޓް ނަންބަރ 4  މުހައްމަދު އަހުމަދު، އަޅިވިލާގެ، ހދ ހަނިމާދޫ ( ޕީޕީއެމް)

ހދ އަތޮޅު ކައުންސިލުގެ ނޮޅިވަރަމް ދާއިރާއަށް ކުރިމަތިލާފައިވާ ކެނޑިޑޭޓުން

ކެނޑިޑޭޓް ނަންބަރ  1 ހުސައިން ހަސަން، ހިމޭން، ހދ ނޮޅިވަރަންފަރު (އެމްޑީޕީ)

ކެނޑިޑޭޓް ނަންބަރ 2 އަހުމަދު ޝާކިރު، ވީވަރު، ހދ ކުމުންދޫ (އެމްޑީޕީ)

ކެނޑިޑޭޓް ނަންބަރ 3 އަހުމަދު އިބްރާހިމް، ޤާބިލް، ހދ ނޮޅިވަރަންފަރު (ޕީޕީއެމް)

ކެނޑިޑޭޓް ނަންބަރ 4 ޝާފިއު މުހައްމަދު، ހަނީމޫން،ހދ ނޮޅިވަރަމް (ޖުމްހޫރީ ޕާޓީ)

ހދ އަތޮޅު ކައުންސިލުގެ ވައިކަރަދޫ ދާއިރާއަށް ކުރިމަތިލާފައިވާ ކެނޑިޑޭޓުން

ކެނޑިޑޭޓް ނަންބަރ  1 މުހައްމަދު ރިޟްވާން، އަންބަރީގެ، ހދ މަކުނުދޫ (އެމްޑީޕީ)

ކެނޑިޑޭޓް ނަންބަރ 2 އަހުމަދު ހާޝިމް، މިސުރުރުވާގެ، ހދ ވައިކަރަދޫ (އެމްޑީޕީ)

ކެނޑިޑޭޓް ނަންބަރ 3 ހުސައިން ޘަޤީފް، ހިސާން، ހދ ވައިކަރަދޫ  (ޕީޕީއެމް)

ކެނޑިޑޭޓް ނަންބަރ 4 އާދަމް ފިޔާޒު، ރޯޝަނީވިލާ، ހދ ނޭކުރެންދޫ (އަމިއްލަ ގޮތުން)

ކެނޑިޑޭޓު ނަންބަރ 5 އަބްދުލް މުޙައިމިން، ކިނާރާ، ހދ ނޭކުރެންދޫ (އަދާލަތު ޕާޓީ)